فرحان سعید اور عروہ نے ماضی میں علیحدگی کی افواہوں کی تصدیق کردی

ماضی میں ہمارا رشتہ ایک مشکل وقت سے گزر رہا تھا، فرحان سعید

پیر 17 فروری 2025 22:18

فرحان سعید اور عروہ نے ماضی میں علیحدگی کی افواہوں کی تصدیق کردی

کراچی (اُردو پوائنٹ اخبارتازہ ترین - این این آئی۔ 17 فروری2025ء)اداکارہ عروہ حسین اور گلوکار و اداکار فرحان سعید نے بالآخر ماضی میں پھیلنے والی علیحدگی کی افواہوں کی تصدیق کردی ہے۔ ایک انٹرویو میں فرحان سعید نے کہا کہ ہماری شادی میں ایک مشکل وقت آیا تاہم دنوں خاندانوں نے ان کا ساتھ دیا اور رہنمائی کی۔فرحان سعید نے کہا کہ رشتے میں احترام اور عزت کی بے حد ضرورت ہوتی ہے اور یہی وہ چیز تھی جس کی وجہ سے ان کا رشتہ قائم رہا۔

(جاری ہے)

انہوں نے کہا کہ چاہے شادی میں جتنے بھی مسائل آئے پر ہم نے کبھی عوامی سطح پر ایک دوسرے کے خلاف کچھ نہیں کہا۔فرحان سعید نے کہا کہ ہر رشتے میں اتار چڑھائو آتے ہیں مگر ہم نے ایک دوسرے کو وقت دیا اور ایک مرتبہ پھر سب کچھ بھلا کر ایک ساتھ جڑ گئے۔فرحان اور عروہ نے مداحوں کو بھی یہ مشورہ دیا کہ اپنے ہمسفر کی عزت کریں اور اپنا معاملہ آپس میں بات چیت سے سلجھائے کسی کے سامنے اپنے ساتھی کی برائی کرنے سے گریز کریں کیونکہ پیٹھ پیچھے بات کرنے کسی بھی رشتے کو مشکل میں ڈال سکتا ہے۔

Facebook Twitter Google + Share on Whatsapp

فرحان سعید اور عروہ نے ماضی میں علیحدگی کی افواہوں کی تصدیق کردی

ماضی میں ہمارا رشتہ ایک مشکل وقت سے گزر رہا تھا، فرحان سعید

متعلقہ عنوان :

مزید فن و فنکار کی خبریں