ڈسکہ ،منڈیکے گورائیہ میں گندم کی بہتر پیداوار کے حصول کے حوالے سے ایک بڑے کسان اجتماع کا انعقاد

بدھ 19 فروری 2025 17:23

سیالکوٹ (اُردو پوائنٹ اخبارتازہ ترین - اے پی پی۔ 19 فروری2025ء) محکمہ زراعت توسیع ضلع سیالکوٹ کے زیر اہتمام تحصیل ڈسکہ کے موضع منڈیکے گورائیہ میں گندم کی بہتر پیداوار کے حصول کے حوالے سے ایک بڑے کسان اجتماع کا انعقاد کیا گیا۔ پروگرام میں ڈپٹی ڈائریکٹر زراعت( توسیع)سیالکوٹ ڈاکٹر رانا قربان علی خان ،اسسٹنٹ ڈائریکٹر محکمہ زراعت توسیع تحصیل ڈسکہ ڈاکٹر ارشاد ،محکمہ کے افسران مہمان خصوصی، ایم این اےسیدہ نوشین افتخار کے نمائندہ حاجی شوکت علی ساہی نے شرکت کی۔

اس موقع پر ڈپٹی ڈائریکٹر زراعت( توسیع)سیالکوٹ ڈاکٹر رانا قربان علی خان نےکاشتکاروں کو گندم کے پیداواری مقابلہ جات،کسان کارڈ،گرین ٹریکٹر سکیم کے بارے میں بتایا۔انہوں نے گندم کی کاشت اور محکمہ زراعت حکومت پنجاب کی طرف سے کسانوں کے لئے جاری کردہ مختلف سکیموں اور سبسڈیز کے بارے میں تفصیلی گفتگو کی۔

(جاری ہے)

انہوں نے اس موقع پر انہوں نے حالیہ خشک موسم کے پیش نظر آبپاشی کے متعلق آگاہی فراہم کی۔

انہوں نے بائیو پیسٹی سائیڈز کی تحقیق اور فصلوں میں کیڑوں اور بیماریوں کے خلاف ان بائیو پیسٹی سائیڈز کے استعمال کے حوالے سے محکمہ زراعت پیسٹ وارننگ کے ضلعی افسران کو سفارشات پیش کیں۔ اس اجتماع میں کسانوں کی کثیر تعداد نے شرکت کی اور محکمہ زراعت کی ان کاوشوں کو قدر کی نگاہ سے دیکھا گیا۔