آل پاکستان کلرک ایسوسی ایشن (چاچڑگروپ ) کا مطالبات کے حصول کے لیے احتجاجی مظاہرہ

جمعرات 20 فروری 2025 21:52

سکھر(اُردو پوائنٹ اخبارتازہ ترین - این این آئی۔ 20 فروری2025ء)آل پاکستان کلرک ایسوسی ایشن (چاچڑگروپ ) و سندھ اسمال انڈسٹریز کارپوریشن سکھر ایمپلائیز سندھ کے زیر اہتمام ملازمین کے جائز مطالبات کے حصول کیلئے کلرکوں کی بڑی تعداد نے مرکزی صدر عبدالقیوم کھوسہ سمیت مقامی تنظیموں کے عہدے داروں عبدالحمید مہر ، آغا طاہر مغل ، جان محمد سولنگی ، شاہ نواز چنہ ، نور محمد کھوسہ ، سردار احمد پیرزادہ ، اختیار علی مہر ، باغ علی ، عبدالوہاب جونیجو ، ناصر سومرو ، غلام حسین و دیگر کی قیادت میں ریلی نکالی اور سکھر پریس کلب کے سامنے احتجاجی مظاہرہ کرتے ہوئے نعریبازی کی اس موقع رپر مذکورہ رہنمائوں کا کہنا تھا کہ گذشتہ چھ ماہ سے ملازمین کو تنخواہ ادا نہیں کی گئی اور نا پینشنرز کو پنشن ادا کی گئی ہے جس کی وجہ سے ملازمین و پنشنرز مالی مشکلات سے گذر رہے ہیں ، 2016 سے کلرک اسٹیس اپ گریڈ نہیں کیا گیا ہے ، 2012سے گروپ انشورنش تک مکمل نہیں کیا جا سکا ہے ، ریٹائرڈ ملازمین کے تمام واجبات ادا نہیں کئے گئے ہیں ، تنخواہ و پنشن آن لائن نہیں کی جارہی ہے جس کی وجہ سے ملازمین و پنشنرز مایوسی کا شکار ہیں ، رہنمائوں نے مطالبہ کیا کہ حکومت وقت ملازمین کے جائز مطالبات فی الفور تسلیم کر کے ان کے حقوق انہیں دینے میں اپنا کردار ادا کریں بصورت دیگر احتجاج کا دائرہ بڑھا دیا جائیگا ۔