محکمہ زراعت سیالکوٹ کی جانب سے گندم کی بہتر پیداوار کے حصول کے حوالے سےمیگا فارمر گیدرنگ کا انعقاد

جمعرات 20 فروری 2025 22:33

سیالکوٹ (اُردو پوائنٹ اخبارتازہ ترین - اے پی پی۔ 20 فروری2025ء) محکمہ زراعت توسیع ضلع سیالکوٹ کی جانب سےیونین کونسل مونگڑکے موضع مونگڑمیں گندم کی بہتر پیداوار کے حصول کے حوالے سے ایک میگا فارمر گیدرنگ کا انعقاد کیا گیا۔ پروگرام میں ڈپٹی ڈائریکٹر زراعت( توسیع)سیالکوٹ ڈاکٹر رانا قربان علی خان ،اسسٹنٹ ڈائریکٹر زراعت( توسیع)سیالکوٹ رانا سلیم شادمحکمہ زراعت کے افسران مہمان خصوصی، ایم پی اے چوہدری ارمغان سبحانی کے نمائندہ ملک محمد امجدنے شرکت کی۔

(جاری ہے)

اس موقع پر ڈپٹی ڈائریکٹر زراعت( توسیع)سیالکوٹ ڈاکٹر رانا قربان علی خان نے گندم کی کاشت اور محکمہ زراعت حکومت پنجاب کی طرف سے کسانوں کے لئے جاری کردہ مختلف سکیموں اور سبسڈیز کے بارے میں تفصیلی گفتگو کی۔انہوں نے کاشتکاروں کو گندم کے پیداواری مقابلہ جات،کسان کارڈ،گرین ٹریکٹر سکیم کے بارے میں بھی بتایا۔اس موقع پر انہوں نے کاشتاروں کو گندم کی بیماریوں خصوصا کنگی اور زنگ کے متعلق آگاہی فراہم کی۔انہوں نے بائیو پیسٹی سائیڈز کی تحقیق اور فصلوں میں کیڑوں اور بیماریوں کے خلاف ان بائیو پیسٹی سائیڈز کے استعمال کے حوالے سے محکمہ زراعت پیسٹ وارننگ کے ضلعی افسران کو سفارشات پیش کیں۔ اس اجتماع میں کسانوں کی کثیر تعداد نے شرکت کی۔