عوامی نمائندگان عوامی خدمت پر یقین رکھتے ہیں ،حاجی وزیر علی مہر

جمعہ 21 فروری 2025 20:30

سکھر(اُردو پوائنٹ اخبارتازہ ترین - این این آئی۔ 21 فروری2025ء)سکھر میونسپل کارپوریشن (مکی شاہ ٹائون )یونین کمیٹی 7شمس آباد کے چیئرمین حاجی وزیر علی مہر نے کہا ہے کہ عوامی نمائندگان عوامی خدمت پر یقین رکھتے ہیں اور ہمارا مقصد علاقہ مکینوں کوہر ممکن بنیادی و بلدیاتی سہولیات فراہم کرنا ہیعوام کی خدمت کرنے سے دل کوروحانی سکوں ملتا ہے،جب تک زندہ ہیں عوام کی فلاح وبہبود کیلئے کام کرتے رہے گے ، ماضی میں بھی ہماری عوامی و بلدیاتی خدمات کسی سے ڈھکی چھپی نہیں ہے اور اب مستقبل میں بھی ہماری خدمات جاری و ساری ہے ، ان خیالات کا اظہار انہوں نے یونین کمیٹی کے خصوصی فنڈ اور اپنی تنخواہ ملا کر (تقریباً)22 لاکھ روپے سے یوسی کے مختلف وارڈزکے 400سے زائد غریب و نادار مستحق لوگوں میں سولر پلیٹ ، پنکھے ، سلائی مشین، ویہل چیئر، ہاتھ گاڑی تقسیم تقریب سے خطاب اور بعد ازیں میڈیا سے گفتگو کرتے ہوئے کیا ، تقریب میں وائس چیئرمین محمد سلیم ابڑو ، کونسلرز صاحبان محمد اشرف ، اسحاق بروہی ، اختر میمن، فاروق میمن ، یوسی سیکریٹری سلیم اللہ میمن ، عامر بھٹو و دیگر علاقہ معززین سمیت دیگر متعلقہ یوسی اسٹاف نے شرکت کی تقریب میں یوسی چیئرمین حاجی وزیر علی مہر، وائس چیئرمین سلیم ابڑو ، کونسلر ز و دیگر مہمان گرامی نے 400سے زائد مستحق افراد میں سامان تقسیم کیا گیا ، تقریب سے خطاب کرتے ہوئے حاجی وزیر علی مہر کا مزید کہنا تھا کہ یہ کوئی مدد نہیں عوام کے فنڈز سے ہی عوام کی خدمت کر رہے ہیں انشاء اللہ عوام کو ہر ممکن سہولیات اور انکے حقوق فراہمی کیلئے اپنے تمام وسائل بروئے کار لائینگے انہوں نے کہا کہ دیگر یوسیز کو بھی چاہئے کہ وہ اپنے علاقے کے غریب و نادار لوگوں میں سامان تقسیم کر کے عوام کی خدمت کریں،انہوں نے علاقہ مکینوں سے اپیل کی ہے وہ اپنی یوسی میں صفائی ستھرائی کو اپنائے اور عملے کیساتھ تعاون کریں ۔