سعودی عرب،سنیپ چیٹ کے ماہانہ صارفین کی تعداد ڈھائی کروڑ تک پہنچ گئی

ہفتہ 22 فروری 2025 10:40

ریاض (اُردو پوائنٹ اخبارتازہ ترین - اے پی پی۔ 22 فروری2025ء) سعودی عرب میں سنیپ چیٹ کے جنرل منیجر عبداللہ الحمادی نےکہا ہے کہ سعودی عرب میں سنیپ چیٹ ایپلی کیشن کے ماہانہ صارفین کی تعداد ڈھائی کروڑ تک پہنچ گئی ہے۔

(جاری ہے)

العربیہ اردو کے مطابق عبداللہ الحمادی نے یہ اعداد و شمار سعودی میڈیا فورم میں شرکت کے دوران بتائے ، جہاں انہوں نے سعودی عرب میں ڈیجیٹل اور میڈیا مواد کو فروغ دینے میں پلیٹ فارم کے کردار کا جائزہ لیا۔

انہوں نے کہا کہ سنیپ چیٹ صارفین کی روزمرہ کی زندگی کا ایک بڑا حصہ بن گیا ہے۔ سوشل نیٹ ورکنگ کے ذریعے ہو یا خبروں اور تفریحی مواد کو فالو کرنے کے ذریعے سنیپ چیٹ ایپ صارفین کی زندگی میں داخل ہوگئی ہے۔ سعودی عرب میں سنیپ چیٹ کے جنرل ڈائریکٹر کے بیانات کے مطابق اس ایپلی کیشن کو استعمال کرنے والے 90 فیصد افراد کی عمریں 13 سے 34 سال کے درمیان ہیں۔