سیالکوٹ،محکمہ زراعت کی کاشتکاروں کو کریلے کی کاشت وسط مارچ تک مکمل کرنے کی ہدایت

منگل 25 فروری 2025 15:34

سیالکوٹ (اُردو پوائنٹ اخبارتازہ ترین - اے پی پی۔ 25 فروری2025ء) محکمہ زراعت سیالکوٹ نے کاشتکاروں کو کریلے کی کاشت وسط مارچ تک مکمل کرنے کی ہدایت کی ہے تاہم معتدل آب و ہوا کے علاقوں میں کریلے کی کاشت جولائی تک بھی جاری رکھی جاسکتی ہے۔

(جاری ہے)

زراعت آفیسر مرکزصدرحمیرا یونس نے نے ”اے پی پی“کو بتایا کہ پنجاب کے شمالی علاقوں سیالکوٹ، گوجرانوالہ‘ گجرات‘ اوکاڑہ شیخوپورہ‘ لاہور اور حافظ آباد بھی کریلے اور بیج پیداکرنے کیلئے موزوں ہیں۔انہوں نے بتایا کہ بیج کے اگاؤ کے لئے 25 سے 30 ڈگری سینٹی گریڈ درجہ حرارت کی ضرورت ہوتی ہے تاہم کریلے کی کاشت کے لئے زرخیزمیرازمین جس کی تیزابی خاصیت 7یا اس سے کم ہو اورپانی کا نکاس اچھا ہو بہترین ہے۔