محکمہ زراعت سیالکوٹ کی ربیع کے چارہ جات کو مختلف نقصان رساں کیڑوں کے حملہ سے محفوظ رکھنے کی ہدایت

بدھ 26 فروری 2025 11:40

سیالکوٹ (اُردو پوائنٹ اخبارتازہ ترین - اے پی پی۔ 26 فروری2025ء) محکمہ زراعت سیالکوٹ نے زمینداروں اورکاشتکاروں کو ہدایت کی ہے کہ وہ ربیع کے چارہ جات برسیم‘ لوسرن‘جئی وغیرہ کو مختلف نقصان رساں کیڑوں کے حملہ سے محفوظ رکھیں تاکہ فصل کو تباہی سے بچانے کیساتھ ساتھ کاشتکاروں کو بھی مالی نقصان سے بچایاجاسکے۔

(جاری ہے)

پیسٹی سائیڈز انسپکٹر شعیب رسول نے ”اے پی پی“ کوبتایا کہ کونپل کی مکھی کونپل میں داخل ہوکر اسے شدید نقصان پہنچاتی ہے جس سے کونپل سوکھ جاتی ہے۔

انہوں نے کہا کہ لشکری سنڈی اور امریکن سنڈی پتوں کو کھاکر چارہ کی فصل کو نقصان پہنچاتی ہے جس سے فی ایکڑ پیداوار پربُرا اثر پڑ تا ہے۔انہوں نے کہا کہ سفیدمکھی فصل کا رس چوستی ہے جس سے فصل پیلاہٹ کا شکار ہوجاتی ہے جبکہ تھرپس کے بالغ اوربچے پتوں سے رس چوستے ہیں جس سے فصل کی بڑھوتری متاثر ہوتی ہے۔انہوں نے کہا کہ نقصان رساں کیڑوں کے بروقت انسداد کے لئے فصل کو جڑی بوٹیوں سے پاک رکھاجائے۔