کینیڈا، قبل از وقت انتخابات، 34 پاکستانی نژاد میدان میں اتر گئے

-پاکستانی نژاد امیدواروں قیصر ڈار، مظہر شفیق اور سمیرا ملک کے حلقوں میں دلچسپ مقابلہ

جمعرات 27 فروری 2025 18:50

ٰٹورنٹو (اُردو پوائنٹ اخبارتازہ ترین - آن لائن۔ 27 فروری2025ء)کینیڈا کے سب سے بڑے صوبے اونٹاریو میں ہونے والے انتخابات میں 34 پاکستانی نژاد امیدوار قسمت آزما رہے ہیں۔پاکستانی نژاد امیدوار مختلف سیاسی جماعتوں کے پلیٹ فارمز اور آزاد حیثیت سے انتخابی دنگل میں اتر رہے ہیں۔ پاکستانی نژاد امیدواروں قیصر ڈار، مظہر شفیق اور سمیرا ملک کے حلقوں میں دلچسپ مقابلہ ہے جبکہ ملٹن شہر سے ذیشان حامد کے دوبارہ رکنِ صوبائی پارلیمنٹ بننے کے امکانات ہیں۔

(جاری ہے)

انتخابات سے متعلق کیے گئے پولز کے مطابق قبل از وقت صوبائی انتخابات میں برسرِ اقتدار پروگریسیو کنزرویٹو پارٹی کا ایک بار پھر اقتدار میں آنے کا امکان ہے جبکہ ڈگ فورڈ تیسری بار پریمئیر بن جائیں گے۔اب دیکھنا ہے کہ کیا اونٹاریو لبرل پارٹی کی لیڈر بونی کرومبی اپنی نشست حاصل کر پائیں گی ان کے حلقے میں ان کا مقابلہ میئر برامپٹن پیٹرک براؤن کی خوشدامن سیلویا گوالٹیری سے ہو رہا ہے جبکہ انتخابات میں حصہ لینے والی دیگر جماعتوں میں اونٹاریو این ڈی پی اور گرین پارٹی شامل ہیں۔