معروف ادیب وسفر نامہ نگار مستنصر حسین تارڑ کی86ویں سالگرہ ہفتہ کو منائی گئی

مستنصر حسین تارڑ کوصدارتی ایوارڈبرائے حسن کارکردگی، وزیر اعظم ادبی ایوارڈاوردوحہ قطر میں لائف اچیومنٹ ایوارڈ سے بھی نوازا جا چکا ہے

ہفتہ 1 مارچ 2025 10:40

مکوآنہ (اُردو پوائنٹ اخبارتازہ ترین - این این آئی۔ 01 مارچ2025ء)معروف ادیب وسفر نامہ نگار مستنصر حسین تارڑ کی86ویں سالگرہ ہفتہ کو منائی گئی ۔مستنصر حسین تارڑ یکم مارچ1939ء کو لاہور میں پیدا ہوئے وہ پاکستان کے ایک معروف مصنف ڈرامہ نگار اور سفر نامہ نگار ہیں جن کی درجنوں کتب شائع ہو چکی ہیں وہ پاکستان کے سب سے زیادہ پڑھے جانے والے مصنف ہیں۔

(جاری ہے)

مستنصر حسین تارڑ ملک کے ایک ممتاز کالم نگار بھی ہیںان کی کالم نگاری کے متعدد مجموعے بھی منظر عام پر آچکے ہیں۔مستنصر حسین تارڑ کو ادبی خدمات کے صلے میں صدارتی ایوارڈبرائے حسن کارکردگی،بہترین ناول نگاری پر وزیر اعظم ادبی ایوارڈاوردوحہ قطر میں لائف اچیومنٹ ایوارڈ سے بھی نوازا جا چکا ہے۔