پاکستان پٹرولیم لمیٹڈ کے بعد ازٹیکس منافع میں مالی سال کی پہلی ششماہی میں 26 فیصد کی کمی

پیر 3 مارچ 2025 16:32

اسلام آباد (اُردو پوائنٹ اخبارتازہ ترین - اے پی پی۔ 03 مارچ2025ء) پاکستان پٹرولیم لمیٹڈ کے بعد ازٹیکس منافع میں جاری مالی سال کی پہلی ششماہی میں سالانہ بنیادوں پر 26 فیصد کی کمی ہوئی ہے۔ کمپنی کی جانب سے سٹاک ایکسچینج میں جمع کردہ مالیاتی اعدادوشمار کے مطابق مالی سال کی پہلی ششماہی میں پی پی ایل کو 50.91 ارب روپے کا خالص منافع حاصل ہوا جو گزشتہ مالی سال کی اسی مدت کے مقابلہ میں 26 فیصد کم ہے۔

(جاری ہے)

گزشتہ مالی سال کی اسی مدت میں پی پی ایل کو 68.77 ارب روپے کا خالص منافع حاصل ہو ا تھا ۔ پہلی ششماہی میں پی پی ایل کی فی حصص آمدنی 18.71 روپے ریکارڈکی گئی جو گزشتہ سال کی اسی مدت میں 25.28 روپے تھی۔ مالی سال کی دوسری سہ ماہی میں پی پی ایل کو 27.33 ارب روپے کاخالص منافع حاصل ہوا جو پہلی سہ ماہی کے مقابلہ میں 16 فیصد زیادہ ہے۔ دوسری سہ ماہی میں پی پی ایل کی فی حصص آمدنی 10.05 روپے ریکارڈکی گئی ہے۔