پاکستان کے کامیڈی کنگ امان اللہ کی پانچویں برسی 6 مارچ جمعرات کو منائی جائے گی

بدھ 5 مارچ 2025 22:47

جہانیاں(اُردو پوائنٹ اخبارتازہ ترین - آن لائن۔ 05 مارچ2025ء)پاکستان کے کامیڈی کنگ امان اللہ کی پانچویں برسی 6 مارچ جمعرات کو منائی جائے گی۔ شوبز کی دنیا میں راج کرنے والے کنگ آف کامیڈی امان اللہ خان کی عمرقہقہے بکھیرتے گزری اداکارامان اللہ نے کامیڈین کے طور پر پوری دنیا میں شہرت پائی،وہ مختلف لوگوں کی آوازوں کی نقالی کے بھی ماہر تھے۔

امان اللہ خان 1950 ء کو لاہورمیں پیدا ہوئے۔

(جاری ہے)

ا مان اللہ خان نے 1976 میں پہلی دفعہ سٹیج پر کام کیا اور پھر مڑ کر نہیں دیکھا۔انہوں نے مسلسل 42 سال تک لوگوں کے دلوں پر راج کیا۔امان اللہ خان کا شمار پاکستان کے بہترین مزاحیہ اداکاروں میں ہوتا تھا ان کو اعزاز حاصل رہا کہ انہوں نے لگا تار 860 دن لائیو تھیٹر پر پرفارمنس دی۔ جب کہ حکومت پاکستان نے انہیں پرائیڈ آف پرفارمنس کے اعزاز سے بھی نواز۔امان اللہ خان 6 مارچ 2020ء کو اپنے مداحوں کو اداس کر گئے۔