قومی اسمبلی میں انتہائی نازیبا نعرے لگائے گئے، قمر زمان کائرہ

پانی کا معاملہ بہت حساس ایشوہے، مشترکہ مفادات کونسل کا اجلاس بلانا چاہیے، پی پی رہنما

پیر 10 مارچ 2025 22:10

اسلام آباد(اُردو پوائنٹ اخبارتازہ ترین - این این آئی۔ 10 مارچ2025ء)رہنما پیپلزپارٹی قمرزمان کائرہ نے کہا ہے کہ قومی اسمبلی میں انتہائی نازیبا نعرے لگائے گئے۔نجی ٹی وی پروگرام میں گفتگوکرتے ہوئے قمرزمان کائرہ نے کہاکہ جوکچھ ہورہا ہے یہ بھی غلط ہے،ہمارا انتخابی عمل کبھی بھی شفاف نہیں رہا۔

(جاری ہے)

انہوںنے کہاکہ ہم مسلم لیگ (ن)کی حکومت کوبالکل سپورٹ کر رہے ہیں، ملک میں مہنگائی کم اورمعیشت بہترہوئی ہے، صدرمملکت نے خطاب کے دوران حکومت کودرست رائے دی ہے۔قمر زمان کائرہ نے کہاکہ پانی کا معاملہ بہت حساس ایشوہے، مشترکہ مفادات کونسل کا اجلاس بلانا چاہیے، اگربداعتمادی پیدا ہورہی ہیتو اسے دور کرنا چاہیے، صدرمملکت نے کہا تمام اسٹیک ہولڈرزسے مشاورت کریں۔