ایس آئی ایف سی کے تعاون سے پاکستان اور ترکی کے درمیان سرمایہ کاری و تجارتی تعاون میں نئی پیشرفت

ایس آئی ایف سی کے تعاون سے حکومت کی جانب سے سرمایہ کاری کے فروغ کے لیے مربوط حکمت عملی تیار

جمعرات 13 مارچ 2025 22:51

اسلام آباد (اُردو پوائنٹ اخبارتازہ ترین - آن لائن۔ 13 مارچ2025ء)ایس آئی ایف سی کے تعاون سے پاکستان اور ترکی کے درمیان سرمایہ کاری و تجارتی تعاون میں نئی پیشرفت، ایس آئی ایف سی کے تعاون سے حکومت کی جانب سے سرمایہ کاری کے فروغ کے لیے مربوط حکمت عملی تیار، پاکستان اور ترکی کے مابین 5 ارب ڈالر کے تجارتی ہدف کے حصول کے لیے عملی اقدامات، پاکستان اور ترکی سیاحت، تعلیم، آئی ٹی، انفراسٹرکچر اور دفاعی شعبے سمیت جدید ٹیکنالوجی منتقلی پر مزید تعاون کو فروغ دیں گے ۔

(جاری ہے)

پاکستانی کھیلوں کے سامان اور جراحی آلات کے ذریعے برآمدات میں اضافے اور تجارتی تعاون کو مزید مستحکم کرنے کا عزم سامنے آیا ہے ، مشترکہ تاریخ و ثقافت کی بدولت دونوں ممالک کا طلبائ کے تبادلے کے ذریعے تعلیمی و برادرانہ بڑھانے کی خواہش کا اظہار کیا ، دوطرفہ و عالمی امور پر مشاورت اور ہم آہنگی کے لیے دونوں ممالک کا "شورائے اخوت" کے قیام پر اتفاق کیا گیا، فری ٹریڈ ایگریمنٹ کے تحت پاکستان اور ترکی کا مزید اشیائ کی تجارت کے دائرہ کار کو وسعت دینے کا اعلان کیا گیا ، ترکی سی پیک سے منسلک ہونے کا خواہاں ہے،جس میں علاقائی انضمام اور تجارتی روابط کے فروغ پر زور دیا گیا ، تجارت کے فروغ کے لیے پاکستان اور ترکی تجارتی نمائشوں کا انعقاد کرنے کا عزمبھی سامنے آیا، جبکہ پاکستانی تاجروں کو ترکی میں کاروباری مواقع تلاش کرنے کی دعوت دی گئی ، ترک کمپنیوں کے لیے کاروباری عمل کو آسان بنانے میں ایس آئی ایف سی کے کلیدی کردار کی تعریف کی گئی ، اسلام آباد-استنبول مال بردار ٹرین کی بحالی پر کام جاری ہے، دونوں ممالک تجارتی روابط میں استحکام لانے کے خواہاں ہیں ، ایس آئی ایف سی کی جانب سے عالمی برادری کے اعتماد کی بحالی کے ذریعے ملک میں غیرملکی سرمایہ کاری کے فروغ اور معاشی ترقی کی راہیں ہموارہورہی ہیں ۔