کپواڑہ میں بھارتی فوجیوں کی محاصرے اورتلاشی کی کاروائی

پیر 17 مارچ 2025 15:24

سرینگر(اُردو پوائنٹ اخبارتازہ ترین - این این آئی۔ 17 مارچ2025ء)غیرقانونی طورپر بھارت کے زیر قبضہ جموں وکشمیرمیں بھارتی فوجیوں نے ضلع کپواڑہ میں محاصرے اور تلاشی کی کارروائی شروع کر دی ہے۔کشمیر میڈیا سروس کے مطابق بھارتی فوجیوں نے آپریشن ضلع کے علاقے راجواڑ میں شروع کیا۔

(جاری ہے)

بھارتی پولیس کے ایک افسر نے صحافیوں کو بتایا کہ خفیہ اطلاعات ملنے پر ضلع کپواڑہ کے علاقے راجواڑ میں تلاشی کی کارروائی شروع کی گئی ہے۔انہوں نے دعویٰ کیا کہ سرچ آپریشن کے دوران فوجیوں اور عسکریت پسندوں کے درمیاں جھڑپ شروع ہوئی ۔ انہوں نے دعویٰ کیاکہ علاقے میں دو سے تین عسکریت پسند پھنسے ہوئے ہیں۔آخری اطلاعات آنے تک علاقے میں فوجی آپریشن جاری تھا۔