سکیورٹی فورسز کا ضلع خیبر میں آپریشن، 3 خوارج دہشتگردوں کو جہنم واصل کردیا گیا

ہلاک خوارج کے قبضے سے اسلحہ اور گولہ بارود برآمد، سکیورٹی فورسز ملک سے دہشتگردی کے خاتمے کیلئے پرعزم ہیں۔ آئی ایس پی آر

ثنااللہ ناگرہ پیر 17 مارچ 2025 22:43

سکیورٹی فورسز کا ضلع خیبر میں آپریشن، 3 خوارج دہشتگردوں کو جہنم واصل ..

راولپنڈی ( اردوپوائنٹ اخبار تازہ ترین۔ آئی پی اے ۔ 17مارچ 2025ء ) پاک فوج کا ملک بھر میں دہشتگردوں اور ان کے سہولتکاروں کے خلاف انٹیلی جنس بیسڈ آپریشن کامیابی سے جاری ہے۔ سکیورٹی فورسز نے ضلع خیبر میں آپریشن کے دوران 3 خوارج دہشتگردوں کو جہنم واصل کردیاہے۔

(جاری ہے)

پاک فوج کے شعبہ تعلقات عامہ آئی ایس پی آر کے مطابق سکیورٹی فورسز نے خیبرپختونخواہ کے ضلع خیبر کے علاقے طور درہ میں خفیہ اطلاع پر خوارج کے خلاف آپریشن کیا۔آپریشن میں سکیورٹی فورسز نے 3 خوارج دہشتگردوں کو ہلاک کردیاہے۔ ہلاک خوارج کے قبضے سے اسلحہ اور گولہ بارود برآمد کیا گیا ہے۔علاقے میں ممکنہ دہشتگردوں کے خاتمے کیلئے کلیئرنس آپریشن جاری ہے، سکیورٹی فورسز ملک سے دہشتگردی کے خاتمے کیلئے پرعزم ہیں۔