دنیا بھارت کے جنگی جنون کو سنجیدہ لے،بھارتی جارحیت نے دو ایٹمی قوتوں کو جنگ کے دہانے پر پہنچا دیا ہے،ترجمان دفتر خارجہ

اسلام آباد(اردوپوائنٹ اخبار تازہ ترین۔09 مئی 2025) دفتر خارجہ کے ترجمان شفقت علی خان نے کہا ہے کہ دنیا بھارت کے جنگی جنون کو سنجیدہ لے، خطے کے امن کو خطرہ ہے،بھارتی جارحیت نے دو ایٹمی قوتوں کو جنگ کے دہانے پر پہنچا دیا ہے، بھارت نے پاکستان کی تحقیقات کی پیشکش نہ مان کر جارحیت کا راستہ اختیار کیا جس پر جوابی کارروائی کرنا پاکستان کا حق ہے،میڈیا کو بریفنگ دیتے ہوئے ترجمان دفتر خارجہ کا کہنا ہے کہ بھارت کی جانب سے لگایا گیا الزام بے بنیاد ہے، بھارت نے پہلگام واقعہ کی آڑ میں پاکستان کے خلاف جھوٹا پراپیگنڈہ کیا جبکہ پاکستان نے پہلگام واقعہ کی شفاف تحقیقات کا مطالبہ کیا۔

کیا دنیا سوشل میڈیا کی چند پوسٹس پر ایک ملک کو دوسرے پر حملے کی اجازت دے سکتی ہے؟ ۔

(جاری ہے)

بھارتی جنگی جنون پر دنیا کو تشویش ہونی چاہیے۔ بھارتی میڈیا منصوبہ بندی کے تحت خطے کو غیر مستحکم کرنا چاہتا ہے۔ پاکستان اقوام متحدہ کے چارٹر کے تحت جوابی کارروائی کا حق رکھتا ہے۔انہوں نے کہا کہ 7 مئی کی رات بھارت نے پاکستان پر جارحیت کا مظاہرہ کیا اور بھارت نے پاکستان کی سالمیت کو چیلنج کیا۔

بھارت نے دنیا کی جانب سے تحمل کی اپیل نظر انداز کرتے ہوئے 7 مئی کی رات جارحیت کا مظاہرہ کیا۔ بھارت کی جانب سے 7 مئی سے پاکستان کے مختلف علاقوں میں جارحیت کا سلسلہ جاری ہے۔ بھارت کے اس عمل نے دنوں ایٹمی طاقتوں کو جنگ کے دہانے پر پہنچایا ہے۔بھارتی جارحیت عالمی قوانین کی خلاف ورزی ہے۔بھارتی جنگی جنون خطے کے امن کیلئے خطرہ ہے۔ پاکستان ہرممکن صبر و تحمل کا مظاہرہ کررہا ہے۔

پاکستان بھارت کی جارحیت کی مذمت کرتا ہے بھارت عالمی قوانین کی خلاف ورزی کررہا ہے اور پہلگام واقعے کی آڑ میں پاکستان کے خلاف جھوٹا پروپیگنڈہ کررہا ہے۔ بھارت کی جانب سے پاکستان کے متعدد شہروں میں ڈرون حملے کئے گئے۔کیا کوئی ملک کسی بھی ملک کو شوشل میڈیا بیانات کے اوپر کسی ملک پر حملہ کرنے کی اجازت دیتا ہے ؟۔ ہم دنیا سے مطالبہ کرتے ہیں کہ بھارت کو اس معاملے پر جواب دہ ٹھہرائے۔

پریس بریفنگ کے دوران ترجمان دفتر خارجہ شفقت علی خان نے مزید کہا کہ بھارتی جنگی جنون پر دنیا کو تشویش ہونی چاہیے۔ پہلگام حملے سے پاکستان کا کوئی تعلق نہیں۔بھارت نے کشیدگی نہ بڑھانے کے عالمی مطالبات پر کان نہیں دھرے۔ پاکستان اور بھارت کے درمیان صورتحال سے سب آگاہ ہیں۔ ہم پہلگام کے واقعے کی پاکستان پر الزامات کی ایک بار پھر تردید کرتے ہیں۔

بھارت نے بین الاقوامی قوانین کی خلاف ورزی کی ہے۔ گزشتہ روز بھارت کے سیکریٹری خارجہ نے پریس کانفرنس کی۔ پہلگام واقعے میں بھارت نے پاکستان کے ملوث ہونے کی کوئی ٹھوس ثبوت نہیں دئیے۔پاکستان اقوام متحدہ کے چارٹر کے مطابق بھارتی جارحیت کے خلاف جوابی کارروائی کا حق رکھتا ہے۔ وزیر اعظم شہباز شریف نے مکمل انکوائری کا کہا لیکن بھارت نے جارحیت کا راستہ لیا۔

ممبئی اور پٹھان کوٹ کی تحقیقات بھارت کی وجہ سے نہیں کی جا سکیں۔ کلبھوشن یادیو بھارت کی انتہا پسندی کی مثال ہے۔ ہندو انتہا پسندی میں 40 پاکستانی شہید ہوئے۔ شفقت علی خان کایہ بھی کہنا ہے کہ بھارت کی جانب سے سندھ طاس معاہدے کو معطل کرنے کی مذمت کرتے ہوئے کہا کہ بھارت یکطرفہ سندھ طاس معاہدے کو معطل نہیں کر سکتا ہے۔ ہم بھارت کے سیکریٹری خارجہ کے بیانات کو مسترد کرتے ہیں۔

پاکستان اقوام متحدہ چارٹر کے مطابق جوابی کاروائی کا حق رکھتا ہے۔ وزیر اعظم نے مکمل انکوائری کا کہا لیکن بھارت نے جارحیت کا راستہ لیا۔ ممبئی اور پٹھان کوٹ کی تحقیقات بھارت کی وجہ سے نہیں کی جا سکیں۔ کلبھوشن یادیو بھارت کی انتہا پسندی کی مثال ہے۔نیلم جہلم ہائیڈرو پاور پراجیکٹ کے کچھ حصے بھارتی جارحیت کے نتیجے میں تباہ ہوئے۔ پاکستان زرعی ملک ہے۔ بھارتی فیصلے کے اثرات کل کروڑوں لوگوں پر ہوں گے۔ یہ بھارت ہی تھا جو جموں و کشمیر کے معاملے کو اقوام متحدہ لے کر گیا۔ بھارت مسلسل چھوٹے ہمسایہ ممالک کو دیوار سے لگانے کی کوشش میں مصروف ہے۔