سیالکوٹ،پیسٹی سائیڈڈیلرزکو نئے و تجدیدی لائسنس کے حصول کے لیے فوری درخواستیں جمع کرانے کی ہدایت

منگل 18 مارچ 2025 12:06

سیالکوٹ (اُردو پوائنٹ اخبارتازہ ترین - اے پی پی۔ 18 مارچ2025ء) محکمہ زراعت سیالکوٹ (پلانٹ پروٹیکشن )نے پیسٹی سائیڈڈیلرزکو نئے اور تجدیدی لائسنس کے حصول کے لیےفوری درخواستیں جمع کرانے کی ہدایت کی ہے ۔ڈائریکٹر شعبہ پیسٹ وارننگ و کوالٹی کنٹرول آف پیسٹی سا ئیڈز ڈاکٹر مقصود احمد نے اے پی پی کو بتایاکہ محکمہ زراعت شعبہ پیسٹ وارننگ و کوالٹی کنٹرول آف پیسٹی سا ئیڈز سیالکوٹ کے زیر اہتمام زرعی ادویات کے نئے اور تجدیدی لائسنسز کے حصول کےلئے ڈیلرز ٹریننگ پروگرام کا شیڈول جاری کر دیا گیا ہے،جس کے مطابق میٹرک پاس درخواست گزار وں کوپیسٹی سائیڈ کے نئے اور تجدیدی لائسنس کے حصول کےلئے ہر لحاظ سے مکمل درخواستیں بمعہ جمع شدہ اصل فیس چالان فارم ڈائریکٹر شعبہ پیسٹ وارننگ و کوالٹی کنٹرول آف پیسٹی سا ئیڈز سیالکوٹ کے دفتر میں28 مارچ تک جمع کروانے کی ہدایت کی گئی ہے ۔

(جاری ہے)

نئے لائسنس کے لیے تعلیم میٹرک جبکہ عمر 18 سال سے زائد ہونا ضروری ہے۔ انہوں نے کہا کہ لائسنس کے اجراکےلئے امیدواروں کا 15 روزہ تربیتی پروگرام 4 سےدفترڈائریکٹر زراعت شعبہ پیسٹ وارننگ و کوالٹی کنٹرول آف پیسٹی سائیڈزسیالکوٹ میں ہو گا۔انہوں نے کہا کہ نئی ٹریننگ کے لیے ناقابل واپسی فیس مبلغ7260روپے اور تجدید کے مبلغ 3630روپے ہے جو نیشنل بینک آف پاکستان میں جمع کروائی جائے گی۔