محکمہ زراعت (توسیع) سمبڑیال کی کاشتکاروں كو گھیاکدو کی کاشت مارچ میں مکمل کرنے كی ہدایت

منگل 18 مارچ 2025 12:06

سمبڑیال (اُردو پوائنٹ اخبارتازہ ترین - اے پی پی۔ 18 مارچ2025ء) اسسٹنٹ ڈائریکٹرمحکمہ زراعت (توسیع) سمبڑیال ڈاکٹر افتخار احمد وڑائچ نے کہا ہے کہ کاشتکار گھیاکدو کی کاشت مارچ میں مکمل کرلیں۔ان خیالات کا اظہار انہوں نے کاشتکاروں کے نام اپنے پیغام میں کیا۔ انہوں نے کہا کہ گھیا کدو کی کاشت فروری اور مارچ کے مہینوں میں کیا جاتا ہے، س لیے ضروری ہے کہ کاشتکار مارچ میں گھیا کدو کی کاشت کو مکمل کرلیں تاکہ زیادہ پیداوار حاصل کی جاسکے۔

(جاری ہے)

انہوں نے کہا کہ سبزیوں کی بروقت کاشت سے کاشتکار زیادہ منافع کمانے میں کامیاب ہوسکتے ہیں اور ان کی بیماریوں سے بچا جاسکتا ہے۔ انہوں نے کہا کہ گھیاکدو فروری سے جولائی تک کی سبزی ہے جس سے کم وقت میں زیادہ منافع حاصل کیا جاسکتا ہے۔ انہوں نے کہا کہ گھیا کدو ریتلی میرا زمین میں کاشت کیا جاسکتا ہے اور 2 کلو فی ایکڑ بیج درکار ہوتا ہے۔ انہوں نے کہا کہ اچھی پیداوار کیلئے 10 سے 15 ٹرالی دیسی کھاد کا استعمال کرنا ضروری ہے، تین گوڈیاں اور 10 سے 12 بار آبپاشی کی جانی ضروری ہے۔انہوں نے کہا کہ اگیتی فصل کو اپریل تا جون اور پچھیتی کاشت کو اگست تا اکتوبر تک برداشت کیا جاتا ہے۔

Facebook Twitter Google + Share on Whatsapp

محکمہ زراعت (توسیع) سمبڑیال کی کاشتکاروں كو گھیاکدو کی کاشت مارچ میں مکمل کرنے كی ہدایت

متعلقہ عنوان :

مزید زراعت کی خبریں