بجلی کی پیداوار ی مشینری کی درآمد میں پہلے آٹھ ماہ کے دوران سالانہ بنیاد پر64فیصد اضافہ ہوا،سٹیٹ بینک

بدھ 19 مارچ 2025 23:01

اسلام آباد (اُردو پوائنٹ اخبارتازہ ترین - آن لائن۔ 19 مارچ2025ء) بجلی کی پیداوار ی مشینری کی درآمد میں جاری مالی سال کے پہلے آٹھ ماہ کے دوران سالانہ بنیاد پر64فیصد اضافہ ریکارڈ کیا گیا۔سٹیٹ بینک کے مطابق مالی سال کے پہلے آٹھ ماہ میں بجلی کی پیداوار ی مشینری کی درآمد پر440ملین ڈالرزرمبادلہ صرف ہوا جو گزشتہ مالی سال کی اسی مدت کے مقابلے میں 64فیصد زیادہ ہے، گزشتہ مالی سال کی اسی مدت میں بجلی کی پیداوار ی مشینری کی درآمدات کا حجم 268ملین ڈالرریکارڈ کیا گیا تھا۔

فروری میں بجلی کی پیداوار ی مشینری کی درآمدات پر49ملین ڈالر کا زرمبادلہ خرچ ہوا جو گزشتہ سال فروری کے مقابلے میں 115فیصد زیادہ ہے، گزشتہ سال فروری میں بجلی کی پیداوار ی مشینری کی درآمدات کا حجم 23ملین ڈالر ریکارڈ کیا گیا تھا۔

(جاری ہے)

جنوری کے مقابلے میں فروری میں بجلی کی پیداوار ی مشینری کی درآمدات میں ماہانہ بنیاد پر17فیصد کمی ہوئی۔جنوری میں بجلی کی پیداوار ی مشینری کی درآمدات کا حجم 59ملین ڈالر ریکارڈ کیا گیا جو فروری میں کم ہوکر49ملین ڈالر ہوگیا۔

واضح رہے کہ مالی سال کے پہلے آٹھ ماہ میں مشینری گروپ کی مجموعی درآمدات پر5.830ارب ڈالر زرمبادلہ خرچ ہوا جو گزشتہ مالی سال کی اسی مدت کے مقابلے میں 16فیصد زیادہ ہے، گزشتہ مالی سال کی اسی مدت میں مشینری گروپ کی مجموعی درآمدات پر5.043ارب ڈالرکا زرمبادلہ خرچ ہوا تھا