سابق امریکی صدر جان ایف کینیڈی کے قتل کے 60 سال بعد اہم دستاویزات جاری

تقریباً 60 برس بعد ان کے قتل سے متعلق 80 ہزار صفحات پر مشتمل خفیہ دستاویزات جاری

بدھ 19 مارچ 2025 23:16

واشنگٹن (اُردو پوائنٹ اخبارتازہ ترین - آن لائن۔ 19 مارچ2025ء)امریکی صدر ڈونلڈ ٹرمپ نے سابق امریکی صدر جان ایف کینیڈی کے قتل سے متعلق تمام خفیہ دستاویزات جاری کر دیں۔غیر ملکی میڈیا رپورٹس کے مطابق امریکی نیشنل آرکائیوز نے صدر ڈونلڈ ٹرمپ کے حکم پر مقتول صدر جان ایف کینیڈی کے قتل کے تقریباً 60 برس بعد ان کے قتل سے متعلق 80 ہزار صفحات پر مشتمل خفیہ دستاویزات جاری کیں۔

سابق امریکی صدر جان ایف کینیڈی کو 22 نومبر 1963ء کو امریکی ریاست ٹیکساس کے شہر ڈیلس میں گولی مار کر قتل کر دیا گیا تھا۔

(جاری ہے)

میڈیا رپورٹس کے مطابق دستاویزات امریکی نیشنل آرکائیوز اینڈ ریکارڈز ایڈمنسٹریشن کی ویب سائٹ پر پوسٹ کی گئی ہیں۔یہ اقدام صدر ڈونلڈ ٹرمپ کے جنوری میں جاری کردہ ایگزیکٹیو آرڈر کے بعد اٹھایا گیا ہے۔یونیورسٹی آف ورجینیا کے سینٹر فار پالیٹکس ڈائریکٹر کا کہنا ہے کہ ان کی ایک ٹیم دستاویزات کا جائزہ لینا شروع کر چکی ہے لیکن ان کی مکمل اہمیت کو سمجھنے میں وقت لگ سکتا ہے، البتہ جو لوگ جان ایف کینیڈی کیس سے بڑی چیزوں کی توقع کر رہے ہیں انہیں مایوسی ہو گی۔دوسری جانب ماہرین کا شبہ ہے کہ دستاویزات جان ایف کینیڈی کے قتل کے حقائق کو تبدیل کر دیں گی۔