ایس آئی ایف سی کی معاونت سے گوادر فری زون میں برآمدات کا آغاز

جمعرات 20 مارچ 2025 22:25

راولپنڈی(اُردو پوائنٹ اخبارتازہ ترین - آن لائن۔ 20 مارچ2025ء)ایس آئی ایف سی کی سہولت کاری کے باعث گوادر فری زون میں پوٹاشیم سلفیٹ کھاد کی برآمدات کا آغاز ہوگیا۔ اقتصادی رابطہ کمیٹی (ای سی سی) نے کمپنی "ایگ وین پرائیویٹ لمیٹڈ" کو سالانہ 10 ہزار ٹن یا 50 فیصد پیداوار برآمد کرنے کی اجازت دے دی ہے۔اس فیصلے سے سرمایہ کاروں کی گوادر فری زون میں دلچسپی میں اضافہ متوقع ہے۔

(جاری ہے)

2025 تک ایگ وین پلانٹ کی برآمدات 7 ملین ڈالر تک پہنچنے کی امید ہے، جبکہ مزید منظوری کی صورت میں آئندہ 2 سے 3 سال میں برآمدات 80 ملین ڈالر تک بڑھنے کا امکان ہے۔حکومت نے فری زون کی ترقی کے لیے موثر ضابطہ کاری یقینی بنانے کا عزم کیا ہے، جبکہ ایس آئی ایف سی کی کوششوں سے برآمدی کاروبار کے فروغ میں اہم پیش رفت ہوئی ہے۔ چمڑے اور معدنیات کی پراسیسنگ سمیت دیگر صنعتوں کی جانب سے بھی گوادر میں سرمایہ کاری کے امکانات روشن ہو رہے ہیں۔