بیرسٹر سلطان سے قائمقام وائس چانسلر آزاد کشمیر یونیورسٹی پروفیسر ڈاکٹر ندیم حیدر بخاری کی ملاقات

نصابی سرگرمیوں ،یونیورسٹی کے معاملات کے حوالے سے تفصیلی بریفنگ دی، صدر کی مسائل کے حل کی یقین دہانی

ہفتہ 22 مارچ 2025 18:16

اسلام آباد (اُردو پوائنٹ اخبارتازہ ترین - این این آئی۔ 22 مارچ2025ء)صدر آزاد جموں وکشمیر بیرسٹر سلطان محمود چوہدری سے قائمقام وائس چانسلر آزاد جموں وکشمیر یونیورسٹی پروفیسر ڈاکٹر ندیم حیدر بخاری کی ایوان صدر کشمیر ہائوس اسلام آباد میں تفصیلی ملاقات۔

(جاری ہے)

اس موقع پر قائمقام وائس چانسلر آزاد جموں وکشمیر یونیورسٹی پروفیسر ڈاکٹر ندیم حیدر بخاری نے صدر آزاد جموں وکشمیر بیرسٹر سلطان محمود چوہدری کو آزاد جموں وکشمیر یونیورسٹی میں جاری ترقیاتی پروجیکٹس، نصابی سرگرمیوں اور یونیورسٹی کے معاملات کے حوالے سے تفصیلی بریفنگ دی۔

اس موقع پر صدر آزاد جموں وکشمیر بیرسٹر سلطان محمود چوہدری نے قائمقام وائس چانسلر آزاد جموں وکشمیر یونیورسٹی پروفیسر ڈاکٹر ندیم حیدر بخاری کو ہدایت کی کہ یونیورسٹی میں اعلیٰ تعلیم کے فروغ اور یونیورسٹی میں بہتری کے لئے تمام تر وسائل بروئے کار لائے جائیں۔ اس موقع پر صدر آزاد جموں وکشمیربیرسٹر سلطان محمود چوہدری اور قائمقام وائس چانسلر آزاد جموں وکشمیر یونیورسٹی پروفیسر ڈاکٹر ندیم حیدر بخاری کے درمیان باہمی دلچسپی سمیت دیگر امور پر بھی تبادلہ خیال کیا گیا۔