،ْ انسداد دہشت گردی کی خصوصی عدالت نے جوڈیشل کمپلیکس حملے کے 2 مقدمات کی سماعت سات اپریل کوکرے گی

اتوار 23 مارچ 2025 18:55

(اسلام آباد (آن لائن)اسلام آباد کی انسداد دہشت گردی کی خصوصی عدالت نے جوڈیشل کمپلیکس حملے کے 2 مقدمات کی سماعت سات اپریل کوکرے گی عدالت پہلے ہی مسلسل غیر حاضری پر پاکستان تحریک انصاف کے رہنماؤں مراد سعید، حماد اظہر اور فرخ حبیب کو اشتہاری قرار دے چکی ہے۔

(جاری ہے)

انسدادِ دہشت گردی عدالت اسلام آباد میں پی ٹی آئی رہنماؤں کے خلاف جوڈیشل کمپلیکس حملہ کیس کی سماعت جج طاہر عباس سِپرا نے کی تھی، عدالت نے مسلسل غیر حاضری پر مراد سعید، حماد اظہر اور فرخ حبیب کو اشتہاری قرار دے دیاتھا۔

انسداد دہشت گردی کی خصوصی عدالت نے واثق قیوم عباسی، راجہ بشارت سمیت متعدد غیر حاضر ملزمان کے وارنٹ گرفتاری بھی جاری کر دیے تھے۔عدالت نے دستیاب ملزمان کی حاضری کے بعد دونوں کیسز پر مزید سماعت 7 اپریل تک ملتوی کر دی، پی ٹی آئی رہنماوں کیخلاف تھانہ رمنا میں 2 مقدمات درج ہیں۔