سمبڑیال ، کاشتکاروں کو ہلدی لوكل کی کاشت مارچ واپریل میں مکمل کرنے کی ہدایت

پیر 24 مارچ 2025 15:12

سمبڑیال (اُردو پوائنٹ اخبارتازہ ترین - اے پی پی۔ 24 مارچ2025ء) اسسٹنٹ ڈائریکٹرمحکمہ زراعت (توسیع) سمبڑیال ڈاکٹر افتخار احمد وڑائچ نے کاشتکاروں کو ہلدی لوكل کی کاشت مارچ و اپریل میں مکمل کرنے کی ہدایت کی ہے۔

(جاری ہے)

انہوں نے کاشتکاروں کے نام پیغام میں کہا ہےکہ ہلدی لوكل کی کاشت مارچ اور اپریل کے مہینوں میں كی جاتی ہے، ضروری ہے کہ کاشتکار ہلدی لوكل كی كاشت اپریل میں مکمل کرلیں تاکہ زیادہ پیداوار حاصل کی جاسکے۔

انہوں نے کہا کہ کاشتکار سبزیوں کی بروقت کاشت سے زیادہ منافع کما سکتے ہیں اوربروقت كاشت سے ان کی بیماریوں سے بچا جاسکتا ہے۔ انہوں نے کہا کہ ہلدی ہلكی اور بھاری میرا زمینوں میں كاشت كی جاسكتی ہے اور اس كے لیے 6سے 7 سو كلوگرام بیچ دركار ہوتا ہے۔ انہوں نے کہا کہ اچھی پیداوار کے لئے 10 سے 15 ٹرالی دیسی کھاد کا استعمال کرنا ضروری ہے، تین سے چار گوڈیاں اور 10 سے 12 بار آبپاشی ضروری ہے۔

Facebook Twitter Google + Share on Whatsapp

سمبڑیال ، کاشتکاروں کو ہلدی لوكل کی کاشت مارچ واپریل میں مکمل کرنے کی ہدایت

متعلقہ عنوان :

مزید زراعت کی خبریں