ایس آئی ایف سی کے تعاون سے پاکستانی صنعتی برآمدات کا عالمی سطح پر فروغ

منگل 25 مارچ 2025 20:59

اسلام آبا د(اُردو پوائنٹ اخبارتازہ ترین - آن لائن۔ 25 مارچ2025ء)ایس آئی ایف سی کے تعاون سے پاکستانی صنعتی برآمدات کا عالمی سطح پر فروغ، ایس آئی ایف سی کی موثر تجارتی پالیسیاں پاکستانی برآمدات کے استحکام کی ضامن، پاک الیکٹران لمیٹڈ (پل) نے باضابطہ طور پر امریکہ کو اپنی مصنوعات کی برآمدات کا آغاز کر دیا۔

(جاری ہے)

'پل' کے ٹرانسفارمرز کی پہلی کھیپ 13 مارچ 2025 کو پاکستان سے امریکہ روانہ ہوئی، کمپنی نے اپنی عالمی موجودگی کو مزید مستحکم کرنے اور نئے بین الاقوامی مواقع تلاش کرنے کے عزم کا اعادہ کیا، پاور اور ایپلائنسز ڈویڑن کے تحت ٹرانسفارمرز سے لے کر گھریلو آلات تک 'پاک الیکٹران لمٹیڈ' جدید اور معیاری مصنوعات کی تیاری میں پیش پیش ہے، کمپنی نے عالمی سطح پر ترقی کے لیے ہٹاچی، فوجیستو اور جنرل الیکٹرک سمیت کئی معروف بین الاقوامی کمپنیوں کے ساتھ شراکت داری قائم کی ہے، ایس آئی ایف سی کا مشن جدید ٹیکنالوجی، سرمایہ کاری اور صنعتی خوشحالی کے ذریعے پاکستان کی معیشت کو مستحکم کرنا ہے،،