Live Updates

پی ایس ایل ترانہ، علی ظفر کو منتخب کرنے پر علی ترین نے تنقید کے نشتر چلا دیے

پی ایس ایل کو سب سے بڑا بنانے کی بات کرتے ہیں لیکن ہر بار ایک ہی آواز کو موقع دیا جاتا ہے : مالک ملتان سلطانز

ذیشان مہتاب جمعہ 28 مارچ 2025 11:47

پی ایس ایل ترانہ، علی ظفر کو منتخب کرنے پر علی ترین نے تنقید کے نشتر ..

لاہور (اردو پوائنٹ تازہ ترین اخبار ۔ 28 مارچ 2025ء ) پاکستان سپر لیگ (پی ایس ایل) کے 10ویں ایڈیشن کے ترانے کیلئے معروف گلوکار علی ظفر کا نام سامنے آنا ملتان سلطانز کے فرنچائز مالک کو پسند نہ آیا۔

گزشتہ روز پی ایس ایل کے 10ویں ایڈیشن کیلئے انتظامیہ نے گلوکار علی ظفر کے نام کو ترانہ گانے کیلئے فائنل کیا، جس پر ملتان سلطانز کے مالک علی ترین نے انسٹاگرام پر تنقید کے نشتر چلا دیے۔

ملتان سلطانز کے اونر علی ترین نے گلوکار کا نام لیے بغیر انہیں تنقید کا نشانہ بناتے ہوئے کہا کہ ''پاکستان میں بہت سے شاندار آرٹسٹ موجود ہیں لیکن تقریباً آدھے سے زائد پی ایس ایل آنتھم ایک ہی 'مڈل ایجڈ' گلوکار کو دیے گئے ہیں''۔

انہوں نے پی ایس ایل انتظامیہ کو آڑے ہاتھوں لیتے ہوئے کہا کہ ''پاکستان سپر لیگ (پی ایس ایل) کو سب سے بڑا بنانے کی بات کرتے ہیں لیکن ہر بار ایک ہی آواز کو موقع دیا جاتا ہے''۔

(جاری ہے)

علی ظفر کے پی ایس ایل میں گائے جانے والے اینتھم:

'اب کھیل کے دکھا' (2016)

'اب کھیل جمے گا' (2017)

'دل سے جان لگا دے' (2018)

'کھل کے کھیل' (2024)

معروف گلوکار پر میشا شفی کی جانب سے ہراسانی کا الزام عائد کیا گیا تھا جس کے بعد انہیں پی ایس ایل ترانوں سے دور کردیا گیا تھا تاہم الزام سچ نہ ہونے پر انہیں دوبارہ 2024ء میں موقع ملا تھا۔