سندھ پبلک سروس کمیشن کی جانب سے مختلف امتحانات کے نتائج کا اعلان کر دیا گیا

جمعہ 28 مارچ 2025 22:34

حیدرآباد (اُردو پوائنٹ اخبارتازہ ترین - اے پی پی۔ 28 مارچ2025ء) سندھ پبلک سروس کمیشن (ایس پی ایس سی) نے محکمہ بہبود آبادی میں اسسٹنٹ ڈائریکٹر میڈیکل آفیسر (خواتین ) بی پی ایس 17 کے تحریری امتحان کے نتائج جاری کردیئے جن میں 10 امیدوار کامیاب قرار پائیں جبکہ محکمہ بہبود آبادی میں میڈیکل آفیسر (مرد) بی پی ایس 17میں تین امیدوار کامیاب قرار پائے۔

دوسری جانب محکمہ ہیومن رائٹس میں انٹرویو اور تحریری امتحان میں اسسٹنٹ ڈائریکٹر بی پی ایس 17 میں دو امیدوار کامیاب قرار پائے۔

(جاری ہے)

محکمہ ہیومن رائٹس میں ڈپٹی ڈائریکٹر بی پی ایس 18 میں ایک امیدوار کامیاب قرار پایا۔ محکمہ صحت اکاؤنٹنٹ بی پی ایس 16میں ایک امیدوار کامیاب جبکہ محکمہ بہبود آبادی میں میں ہی اسسٹنٹ کمپیوٹر پروگرامر بی پی ایس 17 میں ایک امیدوار کامیاب قرارپایا۔ محکمہ ثقافت وسیاحت و آثار قدیمہ میں اکاؤنٹنٹ بی پی ایس 16 میں ایک امیدوار کامیاب قرار پایا۔ واضح رہے کہ ایس پی ایس سی نے ان نتائج میں شہری اور دیہی کوٹہ سمیت سندھ میں رائج تمام آئینی تقاضوں کو مدنظر رکھا ہے۔ کامیاب امیدواروں کی فہرست سندھ پبلک سروس کمیشن کی ویب سائٹ پر بھی جاری کردی گئی ہے۔