سیالکوٹ،غیر معیاری زرعی ادویات فروخت کرنے والے تین افراد کے خلاف مقدمات درج

جمعہ 28 مارچ 2025 20:30

سیالکوٹ (اُردو پوائنٹ اخبارتازہ ترین - اے پی پی۔ 28 مارچ2025ء) سیالکوٹ میں غیر معیاری زرعی ادویات فروخت کرنے والے تین افراد کے خلاف مقدمات درج کرلئے گئے۔

(جاری ہے)

ڈائریکٹر پیسٹ وارننگ و کوالٹی کنٹرول آف پیسٹی سائیڈزمحکمہ زراعت (پلانٹ پروٹیکشن )ڈاکٹر مقصود احمد کی خصوصی ہدایات پر زراعت آفیسر شعیب رسول نے اپنی ٹیم کے ہمراہ تھانہ صدر پسرور کے علاقہ میں چھاپہ مارا ، اس وقت دکاندار فاروق احمد، وقاص احمد، اور سعید وقاص غیر معیاری زرعی ادویات فروخت کر رہے تھے جنہیں زراعت آفیسر نے رنگے ہاتھوں گرفتار کر کے پولیس کے حوالے کر دیا ہے۔ پولیس نے ان تینوں افراد کے خلاف مقدمہ درج کر کے تفتیش کا آغاز کر دیا ہے۔