Live Updates

ل* ایم خان سپر لیگ بھمبر ایڈیشن دوئم میں شامل تمام 8 ٹیمز کی کٹس رونمائی کی تقریب

بدھ 2 اپریل 2025 18:05

lبھمبر(اُردو پوائنٹ اخبارتازہ ترین - آن لائن۔ 02 اپریل2025ء) ایم خان سپر لیگ بھمبر ایڈیشن دوئم میں شامل تمام 8 ٹیمز کی کٹس رونمائی کی تقریب گذشتہ روزڈپٹی کمشنر آفس بھمبر میں منعقد ہوئی. اس تقریب میں ڈپٹی کمشنر ضلع بھمبر مرزا ارشد محمود جرال, اسسٹنٹ کمشنر بھمبر عیص بیگ, آفیسر مال محمد علی, اسسٹنٹ ڈائریکٹر محکمہ سپورٹس یوتھ اینڈ کلچر بھمبر کمال سبحانی, چئیرمین لیدر بال ایسوسی ایشن قاسم الرحمن, لیگ چئیرمین حافظ شاہد خورشید, لیگ صدر احمد سبحانی, تمام 8 ٹیمز کے کپتانوں اور ایم خان سپر لیگ کی مینجمنٹ نے شرکت کی۔تقریب کا باقاعدہ آغاز تلاوت کلام پاک سے کیا گیا.

ڈپٹی کمشنر ضلع بھمبر مرزا ارشد محمود جرال نے لیگ میں شامل تمام ٹیموں کے کپتانوں کو ایم خان سپر لیگ کی شرٹس تقسیم کیں.اور تقریب سے خطاب کرتے ہوئے ڈپٹی کمشنر ضلع بھمبر کا کہنا تھا کہ بھمبر میں لیدر بال کی اس طرز کی لیگ ہونا نہایت خوش آئند بات ہی. نوجوانوں کو ایک مثبت اور صحت مندانہ سرگرمی کی طرف راغب کرنے کے لیے ایم خان کی یہ کاوش قابل ستائش اور لائق تحسین ہی.

انھوں نے لیگ میں شامل تمام ٹیموں کے لیے نیک خواہشات کا اظہار کیا اور ایم خان سپر لیگ کی انتظامیہ کے کرکٹ کے لیے کیے گئے اقدامات, کرکٹ کے لیے لگن اور جزبے کو سراہا. ڈپٹی کمشنر ضلع بھمبر نے ایم خان سپر لیگ کی مینجمنٹ کو لیگ کے دوران ہر قسم کے تعاون کی مکمل یقین دھانی کروائی. جس پر ایم خان سپر لیگ انتظامیہ کی جانب سے ان کا شکریہ ادا کیا گیا. مزید انکا کہنا تھا کہ حکومت آزادکشمیر کھیلوں کے لیے بہتر اقدامات کررہی ہے اور اس سطح کے بہترین ایونٹ مزید آرگنائز کریں گے۔

(جاری ہے)