مری میں غیر قانونی فوٹو گرافی کرنے والوں کے خلاف کارروائی

جمعہ 4 اپریل 2025 23:50

راولپنڈی (اُردو پوائنٹ اخبارتازہ ترین - اے پی پی۔ 04 اپریل2025ء) ڈپٹی کمشنر مری آغا ظہیر عباس شیرازی کی خصوصی ہدایات پر مال روڈ پر غیر قانونی طور کیمرہ استعمال کرنے والوں کے خلاف کارروائی عمل میں لائی گئی ہے۔

(جاری ہے)

تفصیلات کے مطابق ڈی سی مری نے مال روڈ مری میں موجود غیر قانونی فوٹوگرافروں کی طرف سے فوٹوگرافی کرنے اور عوام کو تنگ کرنے کے خلاف شکایات کی روشنی میں کارروائی کا حکم دیا ہے جس کے نتیجے میں متعدد غیر قانونی کیمرہ مینوں کو مال روڈ مری سے گرفتار کر لیا گیا اور ان کے کیمرے ضبط کر لیے گئے ہیں۔

اس حوالے سے ڈپٹی کمشنر مری آغا ظہیر عباس شیرازی کا کہنا ہے کہ کسی کو عوام کو تنگ کرنے کی اجازت نہیں دی جائے گی۔مری سیاحت کا مرکز ہے۔ ملک بھر سے سیاح سیر و تفریح کے لیے مری آتے ہیں۔ کسی غیر قانونی کیمرا مین کی جانب سے فوٹوگرافی کے نام پر کسی کو تنگ کرنے کی اجازت نہیں دی جائے گی ، ایسے افراد کو نہ صرف گرفتار کیا جائے گا بلکہ ان کے کیمرے ضبط کر کے ان کے خلاف قانونی کارروائی عمل میں لائی جا رہی ہے ان کے کیمرے ضبط کر کے ان کے خلاف قانونی کاروائی عمل میں لائی جا رہی ہے۔

Facebook Twitter Google + Share on Whatsapp

مری میں غیر قانونی فوٹو گرافی کرنے والوں کے خلاف کارروائی

متعلقہ عنوان :

مزید قومی خبریں