زمانہ طالب علمی میں خود سے زائد العمر شخص سے محبت ہوگئی تھی، سحرہاشمی

کراچی (اُردو پوائنٹ اخبارتازہ ترین - آن لائن۔ 07 اپریل2025ء) ابھرتی ہوئی اداکارہ سحر ہاشمی نے انکشاف کیا ہے کہ جب وہ کم عمر تھیں اور اسکول میں پڑھتی تھیں، تب انہیں خود سے زائد العمر شخص سے محبت ہوگئی تھی لیکن معاملہ آگے بڑھ نہ سکا۔سحر ہاشمی نے حال ہی میں مزاحیہ پروگرام مذاق رات میں شرکت کی، جہاں انہوں نے مختلف معاملات پر کھل کر بات کی۔پروگرام کے دوران انہوں نے بتایا کہ انہیں بچپن سے اداکاری کا شوق نہیں تھا لیکن بعد میں فلم اور ڈراما کی تعلیم حاصل کرنے کے بعد انہیں اداکاری کرنے کا شوق ہوا۔

ان کے مطابق انہوں نے فلم اینڈ ڈراما میں گریجوئیشن کر رکھا ہے جب کہ انہیں اسکرپٹ لکھنے نہیں بلکہ ہدایت کاری کا شوق تھا، تاہم وہ اداکارہ بن گئیں۔انہوں نے بتایا کہ انہیں شوبز انڈسٹری میں آئے ہوئے ابھی محض دو سال سے بھی کم عرصہ ہوا ہے لیکن خوش قسمتی سے انہیں آتے ہی بڑے منصوبوں میں کام کرنے کا موقع ملا، جس وجہ سے وہ مقبول ہوگئیں۔

(جاری ہے)

ایک سوال کے جواب میں سحر ہاشمی کا کہنا تھا کہ انہیں بچپن میں دلہن بننے کا شوق ہوتا تھا، وہ سوچتی تھیں کہ بڑی ہوکر دلہن بنیں گی، سرخ عروسی لباس پہنیں گی۔

خوبصورتی سے متعلق سوال پر اداکارہ کا کہنا تھا کہ بچپن سے لے کر اب تک ہر کوئی ان کی خوبصورتی کی تعریفیں کرتا ہے لیکن بعض لوگ حسد بھی کرتے ہیں۔یک طرفہ محبت کے سوال پر سحر ہاشمی کا کہنا تھا کہ ایسی محبت تکلیف دہ ہوتی ہے، انسان کو یک طرفہ محبت نہیں کرنی چاہیے۔پروگرام میں بات کرتے ہوئے ان کا کہنا تھا کہ وہ زیادہ تر خود مختار عورت کے کردار ادا کرنا پسند کرتی ہیں اور ان کی خواہش ہے کہ ہمیشہ انہیں طاقتور اور خود مختار عورت کے کردار ہی دیے جائیں۔

انہوں نے سجل علی کو اپنی پسندیدہ ترین اداکارہ قرار دیا اور کہا کہ وہ فیصل قریشی، عمران اشرف، بلال عباس اور شہریار منور جیسے اداکاروں کے ساتھ کام کرنا پسند کریں گی۔ایک سوال کے جواب میں انہوں نے انکشاف کیا کہ کم عمری میں انہیں ایک طرح سے محبت میں دھوکا ملا، جس شخص کو وہ پسند کرتی تھیں، انہوں نے ان سے محبت کرنے سے انکار کیا۔سحر ہاشمی کا کہنا تھا کہ اسکول میں تعلیم کے دوران انہیں خود سے زائد العمر شخص سے محبت ہوگئی، انہیں وہ پسند آیا تو اداکارہ نے ان سے اظہار کیا لیکن وہ نہ مانے۔

اداکارہ کے مطابق اس شخص نے انہیں جواب دیا کہ وہ ابھی بہت کم عمر ہیں، اس لیے ان کے درمیان تعلقات استوار نہیں ہوسکے۔سحر ہاشمی نے بتایا کہ اگرچہ وہ شخص ان سے زائد العمر تھا لیکن ان کی عمر میں زیادہ سے زیادہ 6 سال کا فرق تھا، تاہم اس شخص نے ان سے محبت کرنے سے انکار کردیا تھا۔ان کے مطابق زائد العمر شخص کے انکار کے بعد آج تک انہیں کوئی دوسرا شخص پسند ہی نہیں آیا۔انہوں نے بتایا کہ وہ خوش شکل، دراز قد، پیاری آنکھوں اور خیال رکھنے والے شخص سے شادی کریں گی۔