جاپان میں وائی فائی پر مائرہ خان اور غنا علی میں جھگڑا ہوا،نوبت ہاتھا پائی تک جا پہنچی

اس موقع پرمیری والدہ نے ہم دونوں کے درمیان صلح کروائی تھی،اداکارہ وماڈل مائرہ خان

منگل 8 اپریل 2025 11:05

لاہور (اُردو پوائنٹ اخبارتازہ ترین - این این آئی۔ 08 اپریل2025ء)اداکارہ اور ماڈل مائرہ خان نے غنا علی کے ساتھ ہونے والے اپنے ایک جھگڑے کی حیران کن روداد سنائی ہے۔پلاسٹک سرجری کرانے پر تنقید کا سامنا کرنے والی مائرہ خان نے بتایا کہ ایک بین الاقوامی پراجیکٹ کے دوران جاپان میں ایک ناخوشگوار واقعہ پیش آیا تھا۔مائرہ خان نے بتایا کہ جاپان کے ایک علاقے میں شوٹنگ جاری تھی جہاں میرے ساتھ ساتھی اداکارہ غنا علی بھی تھیں۔

(جاری ہے)

اداکارہ مائرہ خان نے بتایا کہ اس پہاڑی علاقے میں وائی فائی نہیں تھا۔ جس کے لیے ہم دونوں ایک ہی ڈیوائس استعمال کر رہے تھے۔ماڈل مائرہ خان کے بقول اس پر جھگڑا اتنا بڑھ گیا کہ میری اور غنا علی کی ہاتھا پائی بھی ہوئی اور پھر ہم دونوں ہی رونے لگے تھے۔مائرہ خان نے بتایا کہ اس موقع پر والدہ نے ہم دونوں کے درمیان صلح کروائی اور حل یہ نکالا کہ وائی فائی ڈیوائس کا استعمال رات میں کوئی ایک شخص ہی کیا کرے گا۔اداکارہ نے اعتراف کیا کہ ان کی والدہ کی اس بات نے مجھے اور غنا علی کو دوبارہ دوست بنا دیا۔