مظفر آباد ،سنگھڑی منگناڑ میں آتشزدگی کے باعث دو بھائیوں کے مکانات جل کر خاکستر ہوگئے

منگل 8 اپریل 2025 22:54

مظفرآباد(اُردو پوائنٹ اخبارتازہ ترین - این این آئی۔ 08 اپریل2025ء)سنگھڑی منگناڑ میں آتشزدگی کے باعث دو بھائیوں کے مکانات جل کر خاکستر ہوگئے۔

(جاری ہے)

تفصیلات کے مطابق گزشتہ روز سونجاں سنگھڑ ی منگناڑ کے رہائشی دو حقیقی بھائیوں عابد قریشی اور سجاد قریشی پسران عبد الشکور قریشی یونین کونسل سید پور حلقہ کوٹلہ تحصیل نصیر آباد کے رہائشی مکانات اچانک آگ بھڑک اٹھنے سے جل کر خاکستر ہو گئے آگ کے باعث جملہ گھریلو سامان اور گھر کے اندر کھڑا ہنڈا موٹر سائیکل جل کر راکھ بن گئے اسی مقام پر دو سال قبل بھی آتشزدگی سے تین بھائیوں کے مکانات جل گئے تھے عوامی حلقوں بلدیاتی نمائندوں نے وزیراعظم چیف سیکرٹری کمشنر اور تحصیل نصیر آباد کی انتظامیہ سے مطالبہ کیا کہ متاثرہ کنبوں کی مالی امداد شلٹر فراہمی کے لیے فوری اقدامات کیے جائیں ۔