کرکٹ کی 128 سال بعد اولمپکس میں واپسی، پاکستانی ٹیم کی شمولیت کا سفر مشکلات کا شکار

اگر گرین شرٹس کوالیفائی نہ کرسکی تو انہیں 2028ء کے بعد مزید 5 سال کا انتظار کرنا ہوگا

ذیشان مہتاب جمعرات 10 اپریل 2025 11:41

کرکٹ کی 128 سال بعد اولمپکس میں واپسی، پاکستانی ٹیم کی شمولیت کا سفر ..

لاس اینجلس (اردو پوائنٹ تازہ ترین اخبار۔ 10 اپریل 2025ء ) انٹرنیشنل اولمپکس کمیٹی (او آئی سی) نے 128 سال بعد کرکٹ کو باقاعدہ طور پر اولمپکس میں شامل کرنے کا فیصلہ کرلیا ہے۔

میڈیا رپورٹس کے مطابق لاس اینجلس اولمپکس 2028ء میں میں کرکٹ ٹی20 فارمیٹ میں کھیلی جائے گی، جس میں مینز اور ویمنز کے ایونٹس میں 6، 6 ٹیمیں ہوں گی تاہم پاکستان ٹیم کی اولمپکس میں شرکت رینکنگ سے مشروط ہے۔

(جاری ہے)

پاکستان اس وقت آئی سی سی ٹی20 انٹرنیشنل کی رینکنگ میں ساتویں نمبر پر موجود ہے جب کہ اولمپکس میں محض ٹاپ 4 ٹیمیں شریک ہوگی۔

آئی سی سی کی ٹی20 کی ٹاپ فور مینز ٹیموں میں بھارت، آسٹریلیا، نیوزی لینڈ اور انگلینڈ کی ٹیمیں شامل ہیں۔

ادھر 2028ء کے لاس اینجلس اولمپکس کیلئے کوالیفائی کرنے سے متعلق ڈیڈ لائن سامنے نہیں آئی ہے تاہم اگر پاکستان کرکٹ ٹیم کو اولمپکس کیلئے کوالیفائی کرنا ہے تو انہیں ٹاپ 4 میں جگہ بنانا ہوگی۔

ناکامی کی صورت میں پاکستان اگلے 5 برس کا طویل انتظار کرنا پڑے گا۔