Live Updates

پی ایس ایل: دفاعی چیمپئن اسلام آباد کو آغاز سے قبل بڑا دھچکا

اہم آسٹریلوی کرکٹر ڈومیسٹک کرکٹ کی ٹیم کے فائنل میں پہنچنے کے باعث لیگ سے دستبردار

ذیشان مہتاب جمعہ 11 اپریل 2025 10:32

پی ایس ایل: دفاعی چیمپئن اسلام آباد کو آغاز سے قبل بڑا دھچکا

لاہور (اردو پوائنٹ تازہ ترین اخبار ۔ 11 اپریل 2025ء ) پاکستان سپر لیگ (پی ایس ایل) کے 10ویں ایڈیشن کے آغاز سے قبل دفاعی چیمپئن اسلام آباد یونائیٹڈ کو بڑا دھچکا لگ گیا۔

(جاری ہے)

پی ایس ایل میں 3 بار کی چیمپئن ٹیم اسلام آباد یونائیٹڈ نے ری پلیسمنٹ ڈرافٹ میں فرنچائز نے آسٹریلوی وکٹ کیپر بیٹر ایلکس کیری کو جنوبی افریقی بیٹر راسی وین ڈرڈیوسن کی جگہ جزوی طور پر شامل کیا تھا تاہم لیگ کے آغاز سے محض چند گھنٹے قبل آسٹریلوی ڈومیسٹک کرکٹ میں ان کی ٹیم کے فائنل میں پہنچنے کے باعث وہ بھی ٹورنامنٹ میں شرکت سے دستبردار ہوگئے۔

فرنچائز کے ان کے متبادل کیلئے کسی غیر ملکی پلئیر کے نام کا اعلان تاحال نہیں کیا۔

دوسری جانب اسلام آباد یونائیٹڈ کی ٹیم کو آج افتتاحی میچ میں لاہور قلندرز کے چیلنج درپیش ہوگا۔