پاکستان نے آئی سی سی ویمنز کرکٹ ورلڈ کپ کوالیفائر میں سکاٹ لینڈ کو 6 وکٹوں سے ہرا دیا

جمعہ 11 اپریل 2025 19:34

لاہور (اُردو پوائنٹ اخبارتازہ ترین - اے پی پی۔ 11 اپریل2025ء) آئی سی سی ویمنز کرکٹ ورلڈ کپ کوالیفائر میں پاکستان نے زبردست مقابلے کے بعد سکاٹ لینڈ کو 6 وکٹوں سے ہرا دیا۔ پاکستان ویمنز کرکٹ ٹیم نے 31ویں اوور میں 4 وکٹوں کے نقصان پر 186 کا ہدف حاصل کر لیا۔منیبہ علی اور عالیہ ریاض نے شاندار بیٹنگ کی۔عالیہ ریاض نے 70گیندوں پر 68 رنز بنائے اور ناٹ آؤٹ رہیں۔

منیبہ علی 72 گیندوں پر 71 رنز بنا کر آؤٹ ہوئیں۔سدرہ نواز نے 11 بالز پر 14 رنز بنائے اور ناٹ آؤٹ رہیں۔

(جاری ہے)

فاطمہ ثنا 7 ، گل فیروزہ 2 سدرہ امین 7 رنز بنا کر آؤٹ ہوئیں۔ قبل ازیں سکاٹ لینڈ نے مقررہ 32 اوورز میں 9 وکٹوں کے نقصان پر186 رنز بنائے۔ فاطمہ ثنا نے 5 اوورز میں 23 رنز دے کر 4کھلاڑیوں کو آؤٹ کیا۔ سعدیہ اقبال نے 7 اوورز میں 43 رنز دے کر 2 کھلاڑیوں کو، نشرہ سندھو نے 7 اوورز میں 31 رنز دے کر ایک جبکہ ڈیانا بیگ نے 4 اوورز میں 31 رنز دے کر ایک کھلاڑی کو آؤٹ کیا۔سکاٹ لینڈ کی کپتان کتھیرائن برائس نے 96 گیندوں پر 91 رنز بنائے۔علیشا لیسٹر نے 24 گیندوں پر 31 رنز جبکہ سارہ برائس نے 21 رنز بنائے۔