شرمیلا ٹیگور نے کینسر جیسے موذی مرض کو شکست دیدی

ہفتہ 12 اپریل 2025 10:35

ممبئی(اُردو پوائنٹ اخبارتازہ ترین - این این آئی۔ 12 اپریل2025ء)بھارت فلم انڈسٹری کی ماضی کی مقبول ترین ہیروئن اور سیف علی خان کی والدہ شرمیلا ٹیگور نے کینسر جیسے موذی مرض کو شکست دیدی۔ماضی کی مقبول اداکارہ شرمیلا ٹیگور کی بیٹی سوہا علی خان نے انکشاف کیا کہ ان کی والدہ میں کینسر کی تشخیص 2022 میں ہوئی تھی جس کے بارے میں کسی کو بتایا نہیں گیا تھا، تاہم اب سوہا علی خان نے اس بارے بتاتے ہوئے کہا کہ یہ سفر مشکلات سے بھرا ہوا تھا، میرے خاندان کو بھی ذاتی نقصانات کا سامنا کرنا پڑا، ہم نے بھی دبا کے لمحات دیکھے ہیں، جیسے ہر کوئی دیکھتا ہے۔

سوہا علی خان نے کہا کہ میری والدہ ان چند خوش قسمت افراد میں سے تھیں جنہیں پھیپھڑوں کے کینسر کی تشخیص سٹیج زیرو پر ہوگئی تھی، جلد تشخیص کی وجہ سے کیموتھراپی یا طویل علاج کی ضرورت نہیں پڑی، صرف کینسر کا حصہ سرجری سے نکال دیا گیا اور اب وہ ماشااللہ بالکل ٹھیک ہیں۔

(جاری ہے)

واضح رہے کہ شرمیلا ٹیگور کی صحت سے متعلق چہ مگوئیاں اس وقت شروع ہوئیں تھیں جب وہ 2023 میں کافی وِد کرن میں بطور مہمان شریک ہوئی تھیں، کرن جوہر نے کہا تھا کہ راکی اور رانی کی پریم کہانی میں شبانہ اعظمی کا کردار پہلے شرمیلا ٹیگور کو آفر کیا گیا تھا لیکن صحت ٹھیک نہ ہونے کے باعث انکار کردیا تھا۔

اس پر شرمیلا ٹیگور نے جواب دیا کہ وہ کوویڈ کا عروج تھا اور اس وقت صورتحال پوری طرح قابو میں نہیں تھی اور ہمیں ویکسین بھی نہیں ملی تھی، ادکارہ نے مزید بتایا کہ کینسر کی سرجری کے بعد ڈاکٹرز نے بھی مشورہ دیا کہ مجھے اس وقت ایسا کوئی خطرہ نہیں لینا چاہئے۔

Facebook Twitter Google + Share on Whatsapp

شرمیلا ٹیگور نے کینسر جیسے موذی مرض کو شکست دیدی

متعلقہ عنوان :

مزید فن و فنکار کی خبریں