Live Updates

محمد فاروق حیدرسے راجہ فیصل آزاد کی قیادت میں وفد کی ملاقات

آزاد کشمیر کی مجموعی صورتحال ،بالخصوص حلقہ غربی بارے گفتگو کی گئی

ہفتہ 12 اپریل 2025 22:22

اسلام آباد (اُردو پوائنٹ اخبارتازہ ترین - این این آئی۔ 12 اپریل2025ء)سابق وزیر اعظم آزادکشمیر راجہ محمد فاروق حیدر خان سے مرکزی جائنٹ سیکرٹری مسلم لیگ ن آزاد کشمیر و سابق امیدوار اسمبلی مسلم لیگ حلقہ غربی باغ راجہ فیصل آزاد کی قیادت میں وفد نے ملاقات کی۔ وفد میں ڈسٹرکٹ کونسلر رینگولی کوٹلی راجہ محمود آزاد،کونسلر وارڈ کوٹلی راجہ فرحان زاہد،ممبر مجلسِ عاملہ راجہ آفتاب صاحب،صدر یوتھ ونگ مسلم لیگ حلقہ راجہ زوہیب ودیگر بھی موجود تھے۔

(جاری ہے)

ملاقات میں آزاد کشمیر کی مجموعی صورتحال اور بالخصوص حلقہ غربی کے حوالے سے گفتگو ہوئی۔ سابق وزیر اعظم نے کہا کہ مسلم لیگ ن الیکشن کے لیے بھرپور تیاری کرے۔ مسلم لیگ ن انشاء اللہ بھاری اکثریت سے حکومت بنائے گی۔2016 سے لیکر 2021 تک ن لیگ نے آزادکشمیر کے اندر آئینی انتظامی اور مالیاتی لحاظ سے شاندار کامیابیاں حاصل کیں 2021 میں عمران خان نے آزادکشمیر کے مینڈیٹ پر ڈاکہ ڈالا جس کا خمیازہ آج پورا آزادکشمیر بھگت رہا ہے ن لیگی کارکنان متحد رہیں انتخابات کے لیے بھرپور تیاری کریں۔