عقیدہ ختم نبوت ہمارے ایمان کا حصہ ہے اس پر کوئی سمجھوتہ نہیں کیا جا سکتا ،شرافت علی خلجی

پیر 14 اپریل 2025 17:15

مظفرآباد (اُردو پوائنٹ اخبارتازہ ترین - این این آئی۔ 14 اپریل2025ء)مرکزی سیکرٹری اطلاعات ونشریات مسلم لیگ ن یوتھ ونگ آزاد جموں وکشمیر شرافت علی خلجی نے کہا ہے کہ عقیدہ ختم نبوت ہمارے ایمان کا حصہ ہے اس پر کوئی سمجھوتہ نہیں کیا جا سکتا عقیدہ ختم نبوت کے تحفظ کے لیے مسلمان اپنی جانیں قربان کر دیں گے مگر عقیدہ ختم نبوت پر آنچ نہیں آنے دیں گے عقیدہ ختم نبوت امت مسلمہ کا بنیادی مضبوط عقیدہ ہے آئین پاکستان قادیانیوں کو غیر مسلم قرار دیتا ہے وہ خود کو مسلمان نہیں کہہ سکتے اور نہ ہی اپنی عبادت گاہ بنا سکتے ہیں ان خیالات کا اظہار انھوں نے گذشتہ روز میڈیا سے گفتگو کرتے ہوئے کیا ان کا کہنا تھا کہ عقیدہ ختم نبوت کا تحفظ ہمارے ایمان کا حصہ ہے اور آپﷺ کے بعد قیامت تک کوئی نبی پیدا نہیں ہو سکتا۔

(جاری ہے)

اللہ عزوجل نیحضور نبی کریم ﷺکو بہت سے اعزازات سے نوازا جن میں سے ایک آپﷺ کا آخری نبی ہونا بھی ہے۔ اب آپﷺکے بعد ?قیامت تک کوئی نبی نہیں آئے گا،اسی پر ہر مسلمان کا ایمان ہے۔انھوں نے مزید کہا کہ عقیدہ ختم نبوت کا تحفظ کرنا ہرمسلمان کا فرض منصبی ہے۔اُمت مسلمہ کا ساڑھی14 سو سال سے متفقہ عقیدہ ختم نبوت چلا آرہا ہے، آج بھی پوری دنیا کے مسلمان عقیدہ ختم نبوت پر متحد ومتفق ہیں محمدﷺ اللہ کے آخری نبی ہیں۔ آج کے پُر فتن دور میں جہاں دیگر فتنوں سے بچ کر اپنے مال و جان کی حفاظت ضروری ہے وہیں عقیدہ ختم نبوت پر کار بند ہوکر حضرت محمد ﷺکو آخری نبی مان کر اپنے ایمان کی حفاظت اولین ضرورت ہے۔