انسداد دہشت گردی کی عدالت نے فتنہ الخوارج کے کارندے کو قید و جرمانہ کی سزا سنا دی

منگل 15 اپریل 2025 10:55

مکوآنہ (اُردو پوائنٹ اخبارتازہ ترین - این این آئی۔ 15 اپریل2025ء) انسداد دہشت گردی کی عدالت نے فتنہ الخوارج کے کارندے کو ایک سال قید اور پانچ ہزار روپے جرمانہ کی سزا کا حکم سنادیا ہے۔ استغاثہ کے مطابق سی ٹی ڈی نے ملت روڈ آفریدی چوک سے مجرم کو 31 اگست 2023 کو اسوقت گرفتار کیا تھا جب وہ فتنہ الخوارج کیلئے چندہ اکٹھا کر رہا تھا۔

(جاری ہے)

انسداد دہشت گردی کی عدالت کے سپیشل جج جاوید اقبال شیخ نے تھانہ سی ٹی ڈی کے مقدمہ میں ملوث رائے ونڈ لاہور کے رہائشی مجرم رفیع کو ایک سال قید اور5 ہزار روپے جرمانہ کی سزا کا حکم سنادیا ہے جبکہ ضمانت پر موجود مجرم کو گرفتار کرکے سینٹرل جیل منتقل کردیاگیا ہے۔ عدم ادائیگی جرمانہ کی صورت میں مجرم کو ایک ماہ قید کی مزید سزا بھگتنا ہوگی۔