ژ*عراق میں ریت کا طوفان، سیکڑوں افراد سانس لینے میں دشواری پر اسپتال پہنچے

منگل 15 اپریل 2025 20:50

i بغداد (اُردو پوائنٹ اخبارتازہ ترین - آن لائن۔ 15 اپریل2025ء)عراق کے وسطی اور جنوبی علاقوں میں آنے والے ریت کے طوفان کے باعث ایک ہزار سے زیادہ افراد کو سانس لینے میں تکلیف کا سامنا کرنا پڑا۔

(جاری ہے)

عراق کی وزارت صحت کے مطابق ملک کے جنوبی صوبہ متھنہ کے اسپتالوں میں گھٹن کا شکار 700 مریض آئے، صوبہ نجف میں 250 سے زائد افراد کو اسپتال لایا گیا۔اسی طرح صوبہ دیوانیہ میں بچوں سمیت 322 مریض اسپتال آئے، دی قار اور بصرہ صوبوں میں 530 افراد سانس لینے میں دشواری کی شکایت پر اسپتال لائے گئے۔ریت کے طوفان کے باعث حد نگاہ شدید متاثر ہوئی، نجف اور بصرہ کے ایئرپورٹ بند کیے گئے، واضح رہے کہ عراق میں ریت اور مٹی کے طوفان عام ہیں۔