ارباز خان اور شوریٰ کے یہاں ننھے مہمان کی آمد متوقع

بدھ 16 اپریل 2025 18:28

ممبئی (اُردو پوائنٹ اخبارتازہ ترین - آن لائن۔ 16 اپریل2025ء) ملائیکہ اروڑا سے شادی ختم ہونے کے بعد ارباز خان کی دوستی شوریٰ سے ہوئی اور دسمبر 2023 میں دونوں نے شادی کرلی تھی۔ارباز خان اور شوری سوشل میڈیا کے ذریعے اپنے مداحوں سے جڑے رہتے ہیں۔ یہی وجہ ہے کہ مداح بھی ان کی ذاتی زندگی کے بارے میں زیادہ سے زیادہ جاننے کی دلچسپی رکھتے ہیں۔جوڑے سے متعلق سوشل میڈیا پر اس وقت خبروں کا بازار گرم ہوگیا جب ارباز اور شوری کو ایک کلینک کے باہر دیکھا گیا۔

دونوں نہایت خوشگوار موڈ میں کلینک سے باہر نظر آئے۔ ارباز نے شوری کا ہاتھ تھاما ہوا تھا اور شوری کے ہاتھ میں ایک لال رنگ کی فائل بھی تھی۔جوڑے نے سب کی توجہ کا احساس ہونے کے باوجود تاحال کلینک جانے کی وجہ نہیں بتائی۔ جس پر سوشل میڈیا پر طرح طرح کی خبروں نے زور پکڑ لیا۔

(جاری ہے)

اکثر مداحوں کا خیال ہے کہ ارباز اور شوری اب ماں باپ بننے والے ہیں اور اسی لیے ارباز اپنی اہلیہ شوری کو لے کر کلینک گئے تھے۔

تاہم ایسا پہلی بار نہیں ہوا ہے اس سے قبل گزشتہ برس جولائی میں بھی ارباز اور شوری کو ایک کلینک کے باہر دیکھا گیا تھا اور ایسی ہی خبریں زیر گردش تھیں جو بعد میں محض افواہ ثابت ہوئی تھی۔کیا واقعی شوری حاملہ ہیں یا اس بار بھی یہ صرف قیاس آرائیاں ہیں اس کے بارے میں حقیقت تو جوڑا خود ہی بتاسکتا ہے لیکن اب تک دونوں چپ سادھی ہوئی ہے،یاد رہے کہ ارباز خان کی پہلی شادی 1998 میں ملائیکہ اروڑہ سے ہوئی جو 19 سال چل سکی۔ دونوں کا ایک بیٹا ارہان خان ہے۔