Live Updates

پاکستان سپر لیگ ایک زبردست ٹورنامنٹ ہی: ڈیرل مچل

بدھ 16 اپریل 2025 18:36

اسلام آباد(اُردو پوائنٹ اخبارتازہ ترین - آن لائن۔ 16 اپریل2025ء) لاہور قلندرز کے غیر ملکی کھلاڑی ڈیرل مچل کا کہنا ہے کہ پاکستاں سپر لیگ ایک زبردست ٹورنامنٹ ہے۔میڈیا سے گفتگو کرتے ہوئے انہوں نے کہا کہ کراچی اور لاہور کا اچھا میچ ہو گا، کرکٹرز بڑے میچز انجوائے کرتے ہیں۔ڈیرل مچل کا کہنا ہے کہ امید ہے کراچی اور لاہور کے میچ میں اچھا کراڈ ہو گا، پی ایس ایل میں آئے ابھی تھوڑا وقت ہی ہوا ہے، پاکستان میں اپنا ٹائم انجوائے کر رہا ہوں۔

نیوزی لینڈ کے کرکٹر نے کہا کہ نیوزی لینڈ کی ٹیم نے پچھلے کچھ عرصے میں پاکستان میں کافی کرکٹ کھیلی ہے، فرنچائز ٹورنامنٹس کھیل کر اب دنیا بھر کی کنڈیشن کا کافی اندازہ ہو جاتا ہے، کنڈیشن جاننا کوئی بڑا ایڈوانٹیج نہیں، میچ کے دن پرفارم کرنا اہم بات ہے۔

(جاری ہے)

ان کا کہنا ہے کہ مصروف کرکٹ کیلنڈر کھلاڑیوں کے لیے چیلنج ضرور ہے، میری کوشش ہوتی ہے کہ اہم ایونٹس کے لیے اپنی ٹیموں کو دستیاب رہوں، فرنچائز کرکٹ میں دیگر ملکوں کا کلچر اور کرکٹ ملتی لیکن ترجیح ہمیشہ اپنے ملک کے لیے کھیلنا ہے۔

انہوں نے یہ بھی کہا کہ میرا ہدف یہی ہے کہ جس ٹیم کے لیے کھیلوں اس کو میچز اور ٹرافی جتواں، لاہور قلںدرز کا پلیئر ڈویلپمنٹ پروگرام ایک زبردست کام ہے، کراڈ کی سپورٹ انجوائے کرتا ہوں، امید ہے آنے والے میچز میں بھی قلںدرز کو ایسے ہی سپورٹ ملے گی۔