جنگلات کی 6 ہزار کنال اراضی خرد برد ریفرنس

راولپنڈی (اُردو پوائنٹ اخبارتازہ ترین - آن لائن۔ 16 اپریل2025ء) راولپنڈی کی خصوصی احتساب عدالت کے جج اعجاز علی نے سابق وزیر اعلیٰ پنجاب چوہدری پرویز الہٰی کے خلاف جنگلات کی 6 ہزار کنال اراضی کی خورد برد کے ریفرنس میں پرویز الہٰی کی درخواست ضمانت منظور کرتے ہوئے 5 لاکھ روپے مالیت کے مچلکے جمع کرانے کا حکم دیا ہے عدالت نے پرویز الہٰی کی حاضری سے استثنیٰ کی درخواست بھی سماعت کے لئے منظور کرتے ہوئے فریقین کو نوٹس جاری کر دئیے ہیں اور سماعت 21 مئی تک ملتوی کردی ہے گزشتہ روز سماعت کے موقع پر عدالتی احکامات کے تحت چوہدری پرویز الہٰی سمیت 14 ملزمان عدالت میں پیش ہوئے اس موقع پر وفاقی ڈپٹی پراسیکیوٹر سردار مظفر عباسی، شاہد نواز، سردار طاہر ایوب، مرزاعثمان اور معظم علی جبکہ چوہدری پرویز الہٰی کی جانب سے انکے وکیل عامر سعید راں عدالت میں موجود تھے اس موقع پر عدالت کے حکم پر چوہدری پرویز الہٰی کی جانب سے 5 لاکھ مالیت کے ضمانتی مچلکے جمع کرانے گئے ضمانتی مچلکے انکے بیٹے چوہدری راسخ الہٰی نے جمع کروائے جبکہ چوہدری پرویز الہٰی کی جانب سے حاضری سے مکمل استثنیٰ کی درخواست دائر کی گئی عدالت نے درخواست سماعت کے لئے منظور کرلی اور فریقین کو نوٹس جاری کرتے ہوئے سماعت 21 مئی تک ملتوی کردی اس موقع پر ریفرنس کے 18میں سے 14ملزمان پیش ہوئے جبکہ ایک ملزم عبدالظہور کے انتقال اور 2 ملزمان کے وارنٹ گرفتاری کی تعمیل سے متعلق رپورٹ عدالت میں پیش کی گئی دونوں ملزمان کو اشتہاری قرار دینے کی استدعا کرتے ہوئے عدالت کو بتایا گیا کہ دونوں ملزمان روپوش ہیں یاد رہے کہ قومی احتساب بیورو نیتخت پڑی جنگلات کی 6 ہزار کنال اراضی میں خورد برد کا ریفرنس رواں سال 2 فروری کو دائر کیا تھا جس میں چوہدری پرویز الہٰی سمیت 18 ملزمان کو نامزد کیا گیا ہے دریں اثنا چوہدری پرویز الہٰی کے وکیل عامر سعید راں نے میڈیا سے گفتگو میں کہا کہ چوہدری پرویز الہٰی اس بے بنیاد مقدمہ میں ہیش ہوئے ہیں جو اس سے پہلے بھی بے بنیاد لاتعداد مقدمات میں پیش ہوتے رہے ہیں آج چونکہ احتساب عدالت نے طلب کیاتھا انہوں نے خود کو عدالت میں سرنڈر کیا ہے جبکہ احتساب عدالت نے 5 لاکھ کے ضمانتی مچلکے جمع کرانے کا حکم دیا اور ہم نے ضمانتی مچلکے جمع کرا دیئے ہیں انہوں نے کہا کہ چوہدری پرویز الہٰی کی صحت کے حوالے سے عدالت کو بتایا اس ریفرنس میں حاضری سے مکمل استثنیٰ کی درخواست دائر کی ہے اور عدالت نے حاضری سے استثنیٰ کی ہماری درخواست سماعت کے لئے منظور کرتے ہوئے فریقین کو نوٹس جاری کر دئیے ہیں حاضری سے استثنیٰ کی درخواست کی سماعت 21 مئی تک ملتوی کردی ہے۔