پاک بھارت کشیدگی، بھارتی پنجاب کے سکھوں کا مودی سرکار کیخلاف کھڑا ہونے اور مزاحمت کرنےکا اعلان

مودی کو فالس فلیگ کیلئے پنجاب کی سرزمین استعمال کرنے کی اجازت نہیں دینگے، مودی مذموم عزائم اور بین الاقوامی سطح پر اپنی ساکھ بچانے کیلئے ہماری زمین استعمال کر رہا ہے، بھارتی سکھوں کا احتجاج

ثنااللہ ناگرہ جمعہ 9 مئی 2025 19:58

پاک بھارت کشیدگی، بھارتی پنجاب کے سکھوں کا مودی سرکار کیخلاف کھڑا ہونے ..

نئی دہلی (اُردو پوائنٹ اخبارتازہ ترین۔ 09 مئی 2025ء) پاک بھارت کشیدگی کی صورتحال میں بھارتی پنجاب کے سکھوں نے احتجاج کرتے ہوئے دوٹوک کہا ہے کہ مودی کو فالس فلیگ کیلئے پنجاب کی سرزمین استعمال کرنے کی اجازت نہیں دینگے۔ میڈیا کے مطابق بھارتی پنجاب کے سکھوں نے مودی سرکار کے فالس فلیگ کیخلاف احتجاج کیا ہے۔ جس سے مودی کا اپنے ہی پنجاب پر حملہ کر کے الزام پاکستان پر لگانے کا منصوبہ بھی بےنقاب ہو گیا ہے۔

ذرائع کے مطابق غیور سکھوں نے بھارت کے خلاف کھڑے ہونے اور بھرپور مزاحمت کرنے کا اعلان کر دیا۔ سکھوں نے بھارتی حکومت کو دو ٹوک پیغام دیا کہ مودی کی جھوٹی سازشیں بے نقاب کریں گے۔ مودی کی ساکھ بچانے کیلئے اور پاکستان پر الزام تراشیوں کیلئے پنجاب کی سرزمین استعمال نہیں ہونے دینگے۔

(جاری ہے)

مزید برآں نیوزایجنسی کے مطابق پاکستان کے خلاف بھارتی جارحیت پر غیور سکھوں کا بھارت کیخلاف اٹھ کھڑے ہونے کا اعلان ، مودی کا جعلی میزائل حملوں کے لیے پنجاب کی سرزمین کا انتخاب، بھارتی سکھوں کا مودی کی چالبازی اور جھوٹے حملوں کے خلاف بھرپور مزاحمت کا اعلان کردیا ہے ۔

ذرائع کے مطابق بھارتی سکھوں نے دو ٹوک موقف اپناتے ہوئے کہا ہے کہ مودی کی جھوٹی سازشیں بے نقاب کریں گے پاکستان پر الزام تراشیوں اور مودی کی ساکھ بچانے کے لیے پنجاب کی سرزمین کو کسی صورت استعمال نہیں ہونے دیا جائے گا ۔ ذرائع کا کہنا تھا کہ بھارتی سکھو ں نے مودی کے جنگی جرائم کے خلاف احتجاج شروع کردیا ہے اور کہا ہے کہ مودی کو فالس فلیگ کیلئے پنجاب کی سزمین کرنے کی اجازت کسی صورت نہیں دینگے ۔

بھارتی سکھ رہنما کا کہنا تھا کہ مودی اپنے مذموم عزائم اور بین الاقوامی سطح پر اپنی ساکھ بچانے کیلئے ہماری زمین استعمال کر رہا ہے بھارت نے پنجاب کی سرزمین پاکستان کے خلاف استعمال کی، تو سخت ردِعمل ہوگا ہم مودی حکومت کے فالس فلیگ کا حصہ نہیں بنیں گے۔ ادھر دفاعی ماہرین کا کہنا تھا کہ بھارتی سکھوں نے مودی کے من گھڑت بیانیے کو مسترد کر دیا ہے بھارتی پنجاب کے سکھ بھی جان چکے ہیں کہ مودی اپنے مذموم مقاصد کے لیے پنجاب کی سرزمین استعمال کر رہا ہے۔