ظہیرخان اور بالی ووڈ اداکارہ ساگاریکا کے ہاں ننھے مہمان کی آمد

انسٹا گرام اکائونٹ پر تصویر شیئر، ساگاریکا اور ظہیر اپنے نومولود بیٹے کا ہاتھ پکڑے نظر آرہے ہیں

جمعرات 17 اپریل 2025 14:42

نئی دہلی (اُردو پوائنٹ اخبارتازہ ترین - این این آئی۔ 17 اپریل2025ء)سابق بھارتی کرکٹر ظہیر خان اور بالی ووڈ اداکارہ ساگاریکا گھاٹگے والدین بن گئے، بالی ووڈ اداکارہ نے یہ خبر سوشل میڈیا پر شیئر کی۔فلم چک دے انڈیا کی اداکارہ ساگاریکا نے ایک پیارے سے بیٹے کو جنم دیا ہے، بالی ووڈ اداکارہ اپنے انسٹاگرام اکاؤنٹ پر ایک تصویر شیئر کی ہے جس میں بچے کی پہلی جھلک دکھائی دے رہی ہے، ساگاریکا اور ظہیر بھی اپنے بیٹے کے ساتھ موجود ہیں۔

جوڑے کا بیٹا ظہیر خان کی گود میں ہے، تصویر میں دونوں کے چہروں خوشی سے چمک رہے ہیںِ دوسری تصویر اور بھی خاص ہے، جس میں ساگاریکا اور ظہیر اپنے نومولود بیٹے کا ہاتھ پکڑے نظر آرہے ہیں۔اداکارہ ساگاریکا اور ظہیر نے اپنے نومولود بیٹے کا نام فتح سنھ خان رکھا ہے، پوسٹ میں انھوں نے لکھا کہ ''پیار، دعاو?ں اور شکرگزاری کیساتھ، ہم اپنے پیارے بچے کو خوش آمدید کہتے ہیں’’۔

(جاری ہے)

ساگاریکا نے ایک پوڈ کاسٹ میں شرکت کے دوران حال ہی میں ایک دلچسپ واقعہ بھی شیئر کیا تھا کہ جب ان کے والد کو ظہیر خان کے ساتھ انکے تعلقات کے بارے میں معلوم ہوا تو انھوں نے کیا ردعمل ظاہر کیا تھا۔انھوں نے بتایا کہ جب میرے والد کو اس کے بارے میں معلوم ہوا، تو انھوں نے ظہیر کے کوچ، انشومن گائیکواڑ کو میسج کیا تھا اور ان کے بارے میں پوچھا تھا۔