کوئٹہ شہر میں غیر قانونی رکشوں کے خلاف کارروائیوں کا سلسلہ جاری ہے، حمزہ شفقات

جمعرات 17 اپریل 2025 21:10

کوئٹہ (اُردو پوائنٹ اخبارتازہ ترین - اے پی پی۔ 17 اپریل2025ء) بلوچستان ہائی کورٹ کے حکم اور کمشنر/چیئرمین مین ریجنل ٹرانسپورٹ اتھارٹی کوئٹہ ڈویژن حمزہ شفقات کی ہدایت پر کوئٹہ شہر میں غیر قانونی رکشوں کے خلاف کارروائیوں کا سلسلہ جاری ہے۔ اس سلسلے میں سیکرٹری آر ٹی اے کوئٹہ ڈویژن علی درانی کی نگرانی میں ڈبل روڈ پر دوران چیکنگ کے دوران 5 رکشوں کو سیکشن 115 کے تحت تحویل میں لے کر بند کردیاگیا۔

(جاری ہے)

جبکہ 13 رکشوں اور کمرشل گاڑیوں کو ٹریفک قوانین کی خلاف ورزی پر چالان بھی جاری کیا گیا۔اس موقع پر سیکرٹری آر ٹی اے کوئٹہ ڈویژن عملہ اور ٹریفک پولیس کی جانب سے تمام رکشہ مالکان اور کمرشل گاڈی مالکان کو ہدایت کی گئی ہے کہ اپنے رکشے اور کمرشل گاڑیوں کے پرمٹ جلداز جلد تجدید کریں کیونکہ شہر میں غیر قانونی رکشوں اور کمرشل گاڑیوں کے خلاف کارروائیاں روزانہ کی بنیاد پر کی جارہی ہے۔انہوں نے کہاکہ شہر میں ٹریفک کے مسائل کے حل کے لیے غیرقانونی رکشوں اور بغیر پرمٹ ہولڈر کمرشل گاڑیوں کے خلاف کارروائی بے حد ضروری ہے۔دوسری جانب ٹریفک قوانین کی پاسداری کو ہر صورت یقینی بنائیں۔