Live Updates

پی ایس ایل کی 10 سالہ تاریخ میں پہلی بار 2 بھائی آمنے سامنے آ گئی! ایک دوسرے کو اشارے

نسیم شاہ نے اپنے بھائی کو گیند کرانے سے قبل اشارے بھی کیے، تاہم یہ اشارے کیمرے کی آنکھ سے بچ نہ سکے،ویڈیو وائرل

جمعہ 18 اپریل 2025 13:18

پی ایس ایل کی 10 سالہ تاریخ میں پہلی بار 2 بھائی آمنے سامنے آ گئی! ایک ..

راولپنڈی (اُردو پوائنٹ اخبارتازہ ترین - این این آئی۔ 18 اپریل2025ء)پاکستان سپر لیگ میں سنسنی خیز میچز جاری ہیں تاہم ٹورنامنٹ کی 10 سالہ تاریخ میں پہلی بار دو سگے بھائی آمنے سامنے آئے۔یہ واقعہ گزشتہ روز پنڈی میں ملتان سلطانز اور اسلام آباد یونائیٹڈ کے درمیان میچ میں رونما ہوئے جب دو سگے بھائی ایک دوسرے کے مد مقابل آگئے اور ایسا پاکستان سپر لیگ کی 10 سالہ تاریخ میں پہلی بار ہوا۔

اسلام آباد یونائیٹڈ کی جانب سے جیت کے لیے دیے گئے 203 رنز کے ہدف کے تعاقب میں ملتان سلطان کی ٹیم کے 155 رنز پر 9 کھلاڑی آؤٹ ہوچکے تھے۔ شکست واضح نظر آ رہی تھی تاہم رسم حجت پوری کرنے کے لیے گیارھویں نمبر پر جب ملتان کی جانب سے بیٹنگ کے لیے عبید شاہ کریز پر آئے تو سامنے ان کے بڑے بھائی نسیم شاہ بولنگ کرانے کے لیے موجود تھے۔

(جاری ہے)

افتخار احمد کے سنگل لینے کے بعد عبید شاہ بیٹنگ اینڈ پر آئے تو اس موقع پر کمنٹیٹر نے دلچسپ تبصرہ کرتے ہوئے کہا کہ نسیم شاہ نے اپنے بھائی کو گیند کرانے سے قبل اشارے بھی کیے، تاہم یہ اشارے کیمرے کی آنکھ سے بچ نہ سکے۔

مذکورہ ویڈیو سوشل میڈیا پر بھی تیزی سے وائرل ہو رہی ہے جس پر شائقین کرکٹ دلچسپ تبصرے کر رہے ہیں۔عبید شاہ نے نسیم شاہ کی دو گیندوں کا سامنا کیا تاہم بڑے بھائی اپنے چھوٹے بھائی کو آؤٹ کرنے میں ناکام رہے۔ اٹھارویں اوور کی پانچویں گیند کافی اونچی تھی جو عبید شاہ کے پیر پر لگی جبکہ اگلی یارکر گیند کو دفاعی انداز میں کھیلا۔واضح رہے کہ یہ میچ اسلام آباد یونائیٹڈ نے جیت کر اپنی فتوحات کی ہیٹ ٹرک مکمل کی۔