موسمیاتی الرٹ کے پیش نظر این ڈی ایم اے کا الرٹ

نیشنل ہائی ویز اینڈ موٹروے پولیس کی موٹر وے اور قومی شاہراہوں پر سفر کرنے والوں کیلئے ایڈوائزری جاری

جمعہ 18 اپریل 2025 21:10

موسمیاتی الرٹ کے پیش نظر این ڈی ایم اے کا الرٹ

اسلام آباد (اُردو پوائنٹ اخبارتازہ ترین - اے پی پی۔ 18 اپریل2025ء) این ڈی ایم اے کی جانب سے جاری کردہ موسمیاتی الرٹ کے پیش نظر نیشنل ہائی ویز اینڈ موٹروے پولیس نے موٹر وے اور قومی شاہراہوں پر سفر کرنے والوں کے لئے ایڈوائزری جاری کر دی۔

(جاری ہے)

ترجمان نیشنل ہائی ویز اینڈ موٹروے پولیس کی طرف سے جمعہ کو جاری ایڈوائزری میں کہا گیا ہے کہ بارش میں ڈرائیونگ کے دوران احتیاطی تدابیر اختیار کریں، بارش کے دوران سڑکیں پھسلن کا شکار ہو جاتی ہیں جس سے حادثات کا خطرہ بڑھ جاتا ہے لہذا دوران سفر گاڑی کی رفتار کم رکھیں اور اگلی گاڑی سے فاصلہ معمول سے زیادہ رکھیں۔

گاڑی کی لائٹس اور وائپر درست حالت میں رکھیں اور اچانک بریک لگانے سے گریز کریں۔ دوران ڈرائیونگ موبائل فون کا استعمال نہ کریں اور توجہ مکمل ڈرائیونگ پر رکھیں۔کسی بھی مدد کی صورت میں نیشنل ہائی ویز اینڈ موٹروے پولیس ہیلپ لائن 130 پر رابطہ کیا جا سکتا ہے ۔ ترجمان نے کہا کہ مسافروں کی حفاظت ہماری اولین ترجیح ہے۔